سەنبى, 23 قىركۇيەك 2023
5197 8 پىكىر 2 ماۋسىم, 2017 ساعات 10:43

اباەۆ: كەز كەلگەن قازاقستاندىق پانتەوننان ورىن الۋعا ءۇمىتتى

قازاقستاننىڭ اقپارات جانە كوممۋنيكاتسيا ءمينيسترى داۋرەن اباەۆتىڭ مالىمدەۋىنشە، استانادا سالىناتىن ۇلتتىق پانتەوننان كەز كەلگەن قازاقستاندىق ورىن الۋعا ءۇمىتتى، بىراق ونىڭ ءوز "شارتتارى بار".

قازاقستان ۇكىمەتى مامىردىڭ سوڭىندا ۇلتتىق پانتەون تۋرالى ەرەجەنى بەكىتتى. قۇجاتتا وعان كىمدەر جەرلەنەتىنى كورسەتىلگەن. ولاردىڭ اراسىندا - قازاقستان پرەزيدەنتتەرى، سونىڭ ىشىندە العاشقى پرەزيدەنت نۇرسۇلتان نازارباەۆ، پرەزيدەنت وتباسىنىڭ مۇشەلەرى، ۇكىمەت مۇشەلەرى، مەملەكەتتىك سىيلىقتاردىڭ يەگەرلەرى، سونداي-اق "قازاقستان پرەزيدەنتىنىڭ ەرەكشە شەشىمى بويىنشا "باسقا دا ازاماتتار" بار.

"جەكە پىكىرىم، مەن پانتەون سالۋ قاجەتتىلىگىن تولىق قۇپتايمىن. مۇنداي پانتەون، البەتتە، قاجەت، الەمنىڭ تاجىريبەسىندە بار دۇنيە. ەلدىڭ دامۋىنا ەرەكشە ۇلەسىن قوسقانداردى ماڭگىلىك ەستە ساقتاۋدىڭ ءبىر ءتاسىلى. بۇدان ەشقانداي جامانشىلىق كورىپ تۇرعان جوقپىن", - دەدى اباەۆ.

پانتەون استانادا سالىنادى. ونىڭ جالپى اۋماعى - شامامەن ءبىر مىڭ گەكتار. پانتەون اۋماعىندا ەسكەرتكىش عيماراتتار، مۇراجايلار، اكىمشىلىك جانە شارۋاشىلىق عيماراتتارى، كۇمبەزدەر، سونداي-اق كولىك تۇراعى سالىنادى. بىرقاتار ازاماتتار بۇعان دەيىن مۇنداي قۇرىلىس جوسپارىمەن كەلىسپەيتىندىگىن ءبىلدىردى. جوبا قۇنى - 79 ملرد تەڭگە (شامامەن 254 ميلليون دوللار).

"مەن قازاقستاننىڭ بارلىق ازاماتتارى وسى پانتەوننان ورىن الا الادى (ونىڭ وزىندىك شارتتارى بار) دەپ ەسەپتەيمىن. بۇل ماسەلەدە ەشقانداي قيىندىق كورىپ تۇرعان جوقپىن", - دەپ ءتۇسىندىردى اباەۆ.

اباي-اقپارات

8 پىكىر

ۇزدىك ماتەريالدار

الاشوردا

ءتىل جاناشىرى – ءنازىر تورەقۇلوۆ

باعلان تاشيموۆ 1987
بىلگەنگە مارجان

حيلدا حۋكحەم. ۇلى قولباسشىلار...

بەيسەنعازى ۇلىقبەك 2033
اقمىلتىق

بيلىك مىڭق ەتپەدى

عابباس قابىشۇلى 2380