بەيسەنبى, 28 ناۋرىز 2024
5208 0 پىكىر 1 ماۋسىم, 2017 ساعات 09:16

ميرزياەۆ "ارسىز" بانكيرلەر ءۇشىن ازيموۆقا سوگىس جاريالادى

وزبەكستان پرەزيدەنتى شاۆكات ميرزياەۆ جينالىستا بانكيرلەر مەن قارجىگەرلەردى «ساندالبايلار مەن پاراقورلار» دەپ اتاپ، پرەمەر-ءمينيستردىڭ ورىنباسارى رۋستام ازيموۆتى بۇل سالادا باقىلاۋ جوق دەپ سىنعا الدى.

شاۆكات ميرزياەۆ بانك قىزمەتكەرلەرىن سىنعا الىپ، «تەك كوڭىل كوتەرۋ ءۇشىن ءومىر سۇرەدى»، ايلىق الىپ قانا قويمايدى ءارى «پارا دا الادى» دەدى. ونىڭ ايتۋىنشا، بانك قىزمەتكەرلەرى ءاربىر ءۇيدى ارالاپ، حالىقتىڭ كاسىپكەرلىكپەن اينالىسۋىنا مۇددەلى بولۋى كەرەك.

وزبەكستان پرەزيدەنت ەگەر رۋستام ازيموۆ دۇرىس جۇمىس ىستەيتىن بولسا، بۇل ماسەلەنى قاتاڭ باقىلاۋعا الۋشى ەدى دەپ پرەمەر-ءمينيستردىڭ ورىنباسارىن سىنعا الدى. «ءبىز ءوزىمىز وسىنداي جاعدايعا الىپ كەلدىك. مۇندا قوجايىن دا جوق، سۇرانىس تا جوق. حالىق نەگە نارازى؟ سەبەبى قارجىگەرلەر دۇرىس جۇمىس ىستەمەيدى. ءۇي-ءۇيدى ارالاپ، تۇرعىندارعا نەسيە ۇسىنعان ادام ەشقاشان مەملەكەتتىڭ جاۋى اتانبايدى. ەشقاشان!»، - دەدى پرەزيدەنت.

«سەن بانكيرلەردى ارلى بولۋعا شاقىراتىن ەكونوميكالىق كومپلەكستىڭ جەتەكشىسى ەمەسسىڭ بە، مۇنى سەن نەگە ىستەمەيسىڭ؟! سەبەبى سەن قارجى مينيسترلىگىنەن قورقاسىڭ. سەبەبى تاشكەنتتە وتىراتىندار اۋداندىق شەنەۋنىكتەردەن پارا الادى. شىن مانىندە مەن سەنى قىزمەتتەن شەتتەتۋىم كەرەك! مەن اۋداندىق قارجىگەرلەردىڭ 50 پايىزىن قىزمەتىنەن الامىن، ولاردىڭ بارلىعى ساندالبايلار! ارسىزدار وسى ءۇشىن جاۋاپ بەرەدى؟!»، - دەپ مالىمدەدى شاۆكات ميرزياەۆ.

اباي-اقپارات

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3516