سNN: "ورىستار ترامپ پەن جاقتاستارىنا قاتىستى كومپرومات بارىن ايتتى"
CNN تەلەارناسىنىڭ ارنايى قىزمەت ارداگەرلەرى مەن كونگرەستەگى دەرەككوزگە سۇيەنە وتىرىپ حابارلاۋىنشا، وتكەن پرەزيدەنتتىك سايلاۋ ناۋقانى كەزىندە رەسەيلىكتەر پرەزيدەنتتىكتەن ۇمىتكەر دونالد ترامپ پەن ونىڭ جاقتاستارىنا قاتىستى كومپرومات بار ەكەنىن ايتقان.
رەسەيلىكتەردىڭ اڭگىمەسىن امەريكالىق بارلاۋ ەستىپ، "رەسەي اكىمشىلىككە ىقپال ەتە الادى" دەگەن تۇجىرىم جاساعان.
دەرەككوز مالىمەتىنە قاراعاندا، بۇل كومپروماتتا قارجى تۋرالى ايتىلادى. كەيبىر ساراپشىلار مۇنداي مالىمدەمەلەردىڭ سايلاۋ ناۋقانىن بۇرمالاي ءتۇسۋ ماقساتىندا ويدان شىعارىلۋى مۇمكىن ەكەنىن ەسكەرتتى.
ورىستار ايتقان ترامپ سايلاۋ شتابىنىڭ قىزمەتكەرلەرىنىڭ كىمدەر ەكەنىن CNN حابارلامادى. فەدەرالدىق بارلاۋ بيۋروسى بۇعان قاتىستى پىكىر بىلدىرگەن جوق.
پرەزيدەنتتىڭ ءوزى Twitter ارقىلى: "رەسەيدە بيلىكتەگى ادامدار اقش-تى كۇلكىگە اينالدىرعان سەكىلدى. جالعان جاڭالىق تاراتاتىن ارنالارعا اينالعان باق-تى جەڭىلىس تاپقان دەموكراتتار ويلاپ تاپقان", - دەپ جازدى.
اباي-اقپارات
