سارسەنبى, 25 قاراشا 2020
COVID-19 قازاقستاندا. جۇقتىرعاندار — 127580. جازىلعاندار — 114347. قايتىس بولعاندار — 1945
ەل ءىشى... 3608 5 پىكىر 29 مامىر, 2017 ساعات 12:07

ەسىموۆ: ەكسپو-2017 قۇرىلىسىنان 300 ملرد. تەڭگە ۇنەمدەلدى

 «ەلباسىنىڭ ەرەكشە قولداۋىنىڭ ارقاسىندا 6 جىلدىڭ جۇمىسىن 21 ايدا اياقتادىق» دەپ حابارلايدى «استانا ەكسپو-2017 ۇك» اق قوعاممەن بايلانىس دەپارتامەنتى.

ءسويتىپ، ەكسپو-2017 حالىقارالىق كورمەسىنىڭ عيماراتتارى قولدانىسقا دايىن. ەندىگى مىندەت 10-ماۋسىمنان باستاپ شەتەلدىك قاتىسۋشىلار مەن تۋريستەردى كۇتىپ الۋ.  قازاقستاندىق جانە شەتەلدىك باق-قا سۇحبات بەرىپ، ەكسپو-2017 كورمەسىنە ازىرلىك تۋرالى بايانداپ بەرگەن «استانا ەكسپو-2017» ۇك»  اق باسقارماسىنىڭ توراعاسى احمەتجان ەسىموۆ سولاي دەپ مالىمدەدى.

احمەتجان سماگۇلۇلىنىڭ ايتۋىنشا، ۇلتتىق كومپانياعا توراعالىق قىزمەتكە تاعايىندالعان العاشقى ۋاقىتتا ەكسپو اۋماعىندا بەتوندى پليتا، تاس قابىرعالار مەن قۇرىلىس نىساندارىنىڭ پاسپورتتارى عانا بولىپتى. بۇل تۋرالى

«شىنىندا سول كەزدە مەندە ەشقانداي وپتيميزم بولعان جوق. دەپارتامەنتتەرمەن اقىلداسىپ، ناقتى قۇرىلىمدىق جۇمىس جۇرگىزۋ كەرەك ەدى. جۇمىستىڭ اۋقىمى دا وڭاي ەمەس، ال ۋاقىت تاپشى بولدى»، - دەيدى ەسىموۆ مىرزا.

«جاسىراتىنى جوق، ەلباسىنىڭ ەرەكشە قولداۋىنىڭ ارقاسىندا 6 جىلدىڭ جۇمىسىن 21 ايدا اياقتادىق»، - دەيدى ۇلتتىق كومپانيا باسشىسى.

راسىندا ەكسپو-2017 كورمەسى قۇرىلىسىنا قاتىستى جۇرت اراسىندا كۇدىك پەن كۇمان باسىم بولعانى بەلگىلى.

«ءبىز ۇلكەن جۇمىستى اياقتادىق. ءتىپتى، مەردىگەر كومپانيالارمەن ارادا كەلىسپەۋشىلىكتەر دە بولدى. ارينە، ولار كوبىرەك العىسى كەلدى عوي. دەگەنمەن ءبىز ءوز مىندەتىمىزدى ابىرويمەن ورىنداپ شىقتىق. سونىڭ ناتيجەسىندە ءبىز قۇرىلىستىڭ اۋەلگى بەلگىلەنگەن سوماسىنان 300 ميلليارد تەڭگە ۇنەمدەدىك»، - دەيدى ەكسپو-2017 باسشىسى احمەتجان ەسىموۆ.

سونىمەن، سماگۇلۇلىنىڭ سوزىنەن تۇيگەنىمىز – ەكسپو-2017 عيماراتتارى سىناققا ساقاداي ساي. ەندى 10 ماۋسىمنان باستاپ كورمەگە كەلۋشىلەردى قابىلدايدى.

Abai.kz

5 پىكىر