قىتاي تاراپى  مۇنى ء"بىر بەلدەۋ، ءبىر جول" اياسىندا وتكەن فورۋمدا ۇسىنعان. ەشقانداي جوباعا بايلانباعان نەسيەنى، كەيىن كەز كەلگەن جوبالارعا سالۋعا بولادى. بۇگىن، قور باسشىلىعى ماجىلىستە ەسەپ بەردى. دەپۋتاتتاردىڭ كوپشىلىگى قوردىڭ سىرتقى قارىزىنا قاتىستى الاڭداۋشىلىق تانىتۋدا. بىلتىر ونىڭ كولەمى 9 ترلن 938 ملرد تەڭگەنى نەمەسە 29,8 ملرد $ قۇراعان. ياعني كۆازيمەملەكەتتىك سەكتوردىڭ بارلىق قارىزىنىڭ 70% شاماسىندا. شارت بويىنشا قارىزدىڭ تەڭ جارتىسى الداعى 5 جىلدا قايتارىلۋى كەرەك.

ومىرزاق شوكەەۆ، «سامۇرىق-قازىنا» ۇاق" اق باسقارما توراعاسى:

- قىتايدىڭ دامۋ بانكى جۇمساق شارتتارمەن بىزگە 3 ملرد دوللار قارىز بەرۋگە وزدەرى ىقىلاس ءبىلدىرىپ وتىر. ءبىز ءوزىمىزدىڭ كەرەكتى جوبالارىمىزعا پايدالانا الامىز.

قور بىلتىر 575 ملرد تەڭگە پايدا تاپقان. مۇناي-گاز جانە كەن ءوندىرۋ قىزمەتى ەسەبىنەن - 510 ملرد. تەڭگە، تەلەكوممۋنيكاتسيا سەكتورى ەسەبىنەن - 56 ملرد تەڭگە. ال جىل سايىن 320 ملرد قارىزداردىڭ پايىزىن جابۋعا كەتەدى. دەپۋتات نۇرتاي ءسابيليانوۆ  كۆازيمەملەكەتتىك سەكتوردى قولداۋعا بيۋدجەتتەن قاراجات ءبولۋدى توقتاتۋ كەرەك دەگەن پىكىردە.

نۇرتاي ءسابيليانوۆ، قر پارلامەنتى ءماجىلىسىنىڭ دەپۋتاتى، "نۇر وتان" فراكتسياسىنىڭ مۇشەسى:

- بۇل باعىتتا «سامۇرىق-قازىنا» ۇاق» اق بىرنەشە جىلدار بويى بيۋدجەتتەن قارجىلاندىرىلمايتىن جانە قاراجاتتاردى وبليگاتسيالار شىعارۋ ارقىلى تارتاتىن مالايزياداعى «تەماسەك حولدينگ» كومپانياسىنىڭ تاجىريبەسىن قابىلداۋ قاجەت.

اباي-اقپارات