جۇما, 29 ناۋرىز 2024
انىق 6338 4 پىكىر 22 مامىر, 2017 ساعات 10:24

شەشەن شەنەۋنىكتەردىڭ وندىعى

"قازاقستان" ۇلتتىق اراسىنداعى "اپتا" باعدارلاماسىنىڭ ساراپتامالىق ورتالىعى قازاق تىلىندە قاپىسىز سويلەيتىن اتقامىنەرلەردىڭ وندىعىن جاسادى.
ونىنشى ورىن ەكى اي بۇرىن ماڭعىستاۋ وبلىسى اكىمى بولىپ تاعايىندالعان ەرالى توعجانوۆتىڭ ەنشىسىنە ءتيىپتى.
ال، توعىزىنشى ورىنعا اتىراۋ وبلىسىنىڭ اكىمى نۇرلان نوعاەۆ جايعاسقان.
"اتىراۋ وبلىسى اكىمى نۇرلان نوعاەۆتىڭ دا ءتىلى جاتىق، قازاقتىڭ جالپاق تىلىمەن كەز-كەلگەن ماسەلەنىڭ تىگىسىن جاتقىزىپ جەتكىزەدى. سان الۋان شارا مەن القالى جيىنداردا قازاق ءتىلىنىڭ قادىرىن ارتتىرىپ سويلەيتىن نۇرلان اسقارۇلىن رەيتينگىمىزدىڭ توعىزىنشى ورنىنا لايىق دەپ تاپتىق", – دەيدى ساراپشىلار.
سەگىزىنشى ورىن قۇقىقتىق سالادا اۋقىمدى رەفورمالارىمەن كوزگە ءجيى ءتۇسىپ جۇرگەن تۇلعالاردىڭ ءبىرى باس پروكۋرور — جاقىپ اسانوۆقا بۇيىرعان.
ينۆەستورلاردىڭ بىرىنە مەملەكەتتىك ءتىلدىڭ مارتەبەسى تۋرالى ايتقان اڭگىمەسى حيت بولعان اقتوبە وبلىسىنىڭ اكىمى بەردىبەك ساپارباەۆ جەتىنشى ورىنعا جايسسا، قىزىلوردا وبلىسىنىڭ اكىمى قىرىمبەك كوشەرباەۆ اپتانىڭ التىلىعىنا ىلىكتى.
ء"تىلى ءمىردىڭ وعىنداي ساياساتكەرلەردىڭ ءبىرى - يمانعالي تاسماعامبەتوۆ. سان لاۋازىمدى قىزمەتتەردىڭ تىزگىنىن ۇستاعان يمانعالي نۇرعاليۇلىنىڭ كەز-كەلگەن ماسەلەدە شەگەلەپ سويلەيتىنىن بۇقارا جاقسى بىلەدى. ەلىمىزدىڭ رەسەيدەگى  توتەنشە جانە وكىلەتتى ەلشىسىنىڭ ەنشىسىندە — بەسىنشى ورىن", – دەيدى "اپتا" ساراپتامالىق ورتالىعى.
سوڭعى كەزدە جاڭا قىرىنان تانىلىپ ۇلگەرگەن قىزىل ءتىلدى شەشەن پرەمەر-مينيستر باقىتجان ساعىنتاەۆ ءتورتىنشى ورىننان كورىندى.
ءۇشىنشى ورىن ءماجىلىس دەپۋتاتى بەكبولات تىلەۋحاننىڭ، ال ەكىنشى ورىن نۇر وتان پارتياسى توراعاسىنىڭ ءبىرىنشى ورىنباسارى، شەشەن سويلەۋدىڭ حاس شەبەرى مۇحتار قۇل-مۇحاممەدتىڭ ۇلەسىنە ءتيىپتى.
"مۇحتار ابرارۇلى اۋەزدى تىلىمىزدە اۋەلەتىپ سويلەپ، اعىلتا جونەلگەندە قازاق ءتىلىنىڭ قادىرىن بىلەتىن قايمانا جۇرتتى باۋراپ الادى. شەشەن سويلەۋدىڭ حاس شەبەرىنە ەكىنشى ورىندى لايىق كوردىك", – دەيدى ساراپشىلار.
ءبىرىنشى ورىندى وسىدان ءتورت جىل بۇرىن بولاشاق باعدارلاماسى مەرەيتويىندا ەلباسىمەن ادەمى دە تاپقىر اڭگىمە قۇرعان، قازىر پروكۋروردىڭ كومەكشىسى قىزمەتىن اتقارىپ جۇرگەن ماقسات ىسقاقوۆ يەلەندى.
اbai.kz
4 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1574
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2268
عيبىرات

قايسار رۋحتى عازيز جان

مۇحتار قۇل-مۇحاممەد 3576