جۇما, 29 ناۋرىز 2024
اسقانعا - توسقان 4435 11 پىكىر 3 مامىر, 2017 ساعات 18:33

الاياق بانكيردىڭ ۇرلىقتارى اشكەرە بولىپ جاتىر

الماتى قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا قاشقىن بانكير مۇحتار ءابىليازوۆ پەن ونىڭ سىبايلاستارىنا قاتىستى قىلمىستىق ءىستى قاراۋ ودان ءارى جالعاسۋدا دەپ حابارلادى قازاقپارات ءتىلشىسى. سوتتىڭ بۇگىنگى وتىرىسىندا ماسكەۋ وبلىسىنان جەر تەلىمىن ساتىپ الۋ دەگەن جەلەۋمەن مۇحتار ءابىليازوۆتىڭ وففشورلىق كومپانياسىنا بىرنەشە ميللياردتاعان نەسيە بەرۋ وقيعاسى قارالدى. بۇل ەپيزود تا باسقالارعا ۇقساس: تەرگەۋدىڭ مالىمەتتەرى بويىنشا نەسيەگە بەرىلگەن اقشا بانككە قايتارىلماعان، مۇحتار ءابىليازوۆ ۇرلاعان ميللياردتارىن ءوزىنىڭ جەكە قاجەتتىلىكتەرىنە جۇمساعان. بتا بانكتىڭ وكىلى تەمىرلان نىعمەتوۆتىڭ ايتۋىنا قاراعاندا، 2008 جىلى ءابىليازوۆتىڭ نۇسقاۋى بويىنشا «ءبىر كۇندىك» ماقسات ءۇشىن «Bervich Holding Sarl» كومپانياسى قۇرىلادى. اتاپ ايتارلىعى، رەزيدەنت بولىپ تابىلمايتىن مۇنداي «ءبىر كۇندىك» كومپانيالاردىڭ زاڭدى مەكەن-جايى رەتىندە بريتان ۆيرگين ارالدارى كورسەتىلىپ وتىرعان. تەرگەۋ ناتيجەسىندە ءمالىم بولعانىنداي، بۇل وففشورلىق كومپانيانىڭ قۇجاتتارىن دا مۇحتار ءابىليازوۆ تىكەلەي باقىلاۋىندا ۇستاعان № 6 كورپوراتيۆتىك بيزنەس باسقارماسىنىڭ قىزمەتكەرلەرى دايىنداپتى. ارادا ءبىراز ۋاقىت وتكەننەن كەيىن، بتا بانكتىڭ نەسيە كوميتەتى «Bervich Holding Sarl» كومپانياسىنىڭ نەسيەلىك ءوتىمىن ەشقانداي كەدەرگىسىز ماقۇلدايدى. نەسيەنىڭ ماقساتى رەتىندە رەسەي فەدەراتسياسىنىڭ ماسكەۋ وبلىسىنداعى مىتيششين اۋدانىنداعى كوتتەدجدەر قالاشىعىن سالۋدى قارجىلاندىرۋ دەپ كورسەتىلەدى. وعان جوسپارلانعان اقشانىڭ كولەمى 250 ميلليون اقش دوللارىن قۇراعان. ادەتتەگىدەي، نەسيە كوميتەتىنىڭ مۇشەلەرى بۇل جولى دا بانكتەن قارىز الۋشىنىڭ كەپىلگە قوياتىن مۇلكى، نەسيەلىك تاريحى بولماعانىنا كوز جۇما قاراعانى ءمالىم بولدى. ءتىپتى، اتالعان كومپانيانىڭ نەسيەلەۋ سالاسىندا ەشقانداي تاجىريبەسى بولماعانى دا ەشكىمدى ويلاندىرماعان. بۇعان قوسا، ۆيرگين ارالدارىندا ورنالاسقان كومپانيا ماسكەۋ ماڭىنداعى كوتتەدجدەر قالاشىعىن قارجىلاندىرادى دەگەننىڭ ءوزى اقىلعا سىيمايدى. الايدا، ايقىن نارسەلەرگە قاراماستان نەسيەلىك ءوتىنىم بىردەن ماقۇلدانعان. سوتتا پروكۋرورلار وقىعان كۋاگەرلەردىڭ سوزىنەن ءمالىم بولعانىنداي، بانكتىڭ نەسيەلىك بولىمىنە تىكەلەي ءابىليازوۆتىڭ ءوزى باقىلاۋ جاساعان. سول سەبەپتەن،  «Bervich Holding Sarl» كومپانياسىنا ميلليونداعان نەسيەلەردى بەرەردە بانك قىزمەتكەرلەرى ەشتەڭەگە باسىن قاتىرماعان. سونىمەن قاتار، نەسيە كوميتەتىنىڭ مۇشەلەرىنىڭ ەشقايسىسى قارىز الۋشىنىڭ وكىلى رەتىندە كورسەتىلگەن ليۋكسەمبۋرگتەگى الدەبىر Manacor اتتى مىرزامەن بايلانىس ورناتپاعان. تەرگەۋدىڭ بولجامىنشا، مۇنداي ادام ومىردە جوق. تەمىرلان نىعمەتوۆ سوت وتىرىسىندا حابارلاعانداي، نەسيەنى ماقۇلداۋعا قاتىستى فورمالدى تۇردەگى ءىس-شارالار جۇزەگە اسىرىلعان سوڭ، «Bervich Holding Sarl» كومپانياسىنىڭ شوتىنا بىرنەشە ترانشپەن شامامەن 230 ميلليون اقش دوللارىنا جۋىق قاراجات اۋدارىلادى. كوپ ۇزاماي وففشورلىق كومپانيانىڭ شوتىنا تۇسكەن قارجىنى مۇحتار ءابىليازوۆ قولما-قول اقشاعا اينالدىرىپ، ءوزىنىڭ جەكە باسىنىڭ قاجەتتىلىكتەرىنە جۇمسايدى. تۋرا وسىعان ۇقساس كەستەمەن مۇحتار ءابىليازوۆ «Highbond Associated LTD» وففشورلىق كومپانياسىنا دا نەسيە بەرۋ ارقىلى بتا بانكتەن تاعى دا 110 ميلليوننان استام اقش دوللارىن جىمقىرىپتى. بۇعان دەيىنگى ەپيزودتان ءبىر عانا ايىرماشىلىعى، بۇل جولى نەسيەنىڭ ماقساتى رەسەي فەدەراتسياسىنىڭ ماسكەۋ وبلىسىنداعى دومودەدوۆو اۋدانىنان جەر تەلىمىن ساتىپ الۋعا «رۋسسكايا نەدۆيجيموست» جاق-ىن قارجىلاندىرۋعا جۇمسالادى دەپ كورسەتىلگەن. باسقاشا سوزبەن ايتساق، بتا بانكتىڭ قىزمەتكەرلەرى وتىنىمدەردى راسىمدەگەن كەزدە جەر ۋچاسكەلەرىنىڭ ورنالاسقان جەرى مەن قارىز اقشانىڭ سوماسىن عانا وزگەرتىپ وتىرعان.

اباي-اقپارات

 

11 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2277
عيبىرات

قايسار رۋحتى عازيز جان

مۇحتار قۇل-مۇحاممەد 3595