جۇما, 29 ناۋرىز 2024
4949 3 پىكىر 2 مامىر, 2017 ساعات 17:20

سيريادا وزبەك سودىرلارىنىڭ جەتەكشىسى شەيح سالاحۋددين ءولتىرىلدى

«ءال-بۋحاري» ەسىمىمەن تانىمال وزبەك سودىرلارى وتريادىنىڭ باسشىسى بولعان شەيح سالاحۋددين سەرىكتەرى تارابىنان ءولتىرىلىپ، ونىڭ ورنىنا تاجىكستاندىق ابۋ يۋسۋف تاعايىندىلعان. بۇل جونىندە سيرياداعى كوتەرىلىسشىلەر توبىنىڭ وكىلى حابارلاعان.

سيرياداعى دەرەككوزدىڭ سوزدەرىنشە، 43 جاستاعى شەيح ءسالاحۋدديندى وتكەن اپتادا يدليب قالاسىنداعى مەشىتتە كەشكى ناماز كەزىندە ءوزى باسقاراتىن وتريادتىڭ ءبىر مۇشەسى اتىپ ولتىرگەن. ودان باسقا تاعى دا ءۇش سودىر ولتىرىلگەن، ەكەۋى جارالانعان.

سول كۇنى كۇدىكتىگە ىزدەۋ جاريالاعان. ونى تاپقان ادامعا 1 ميلليون سيريالىق فۋنت (4700 اقش دوللار شاماسىندا) سىياقى بەرىلەتىنى حابارلانعان. بىراق كەلەسى كۇنى-اق شەيح ءسالاحۋدديندى ولتىرگەن ادامدى ۇستاعان.

«يسلام مەملەكەتى» (يم) لاڭكەستىك توبى شەيح ءسالاحۋدديندى «حۋراسان» سودىرلار توبى الدىن الا ۇيىمداستىرىپ ءولتىردى دەگەن مالىمدەمە تاراتتى. «حۋراسان» يم-ءنىڭ ءبىر قاناتى بولىپ سانالادى. وعان نەگىزىنەن ورتالىق ازيادان شىققان ادامدار مۇشە.

شەيح ءسالاحۋدديننىڭ شىن ەسىمى اكمال جۋراباەۆ. ول وزبەكستاننىڭ فەرعانا جازىعىنداعى نامانعان قالاسىندا تۋىپ-وسكەن.

اباي-اقپارات

3 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1579
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3606