كاسىپوداق جەتەكشىسى ءا.ەلەۋسىنوۆتىڭ ۋچاسكەلىك ينسپەكتورلارعا دورەكى مىنەز كورسەتكەنى بەلگىلى بولدى، - دەپ حابارلايدى اباي-اقپارات. استانا قالاسىنداعى №2 الماتى اۋداندىق سوتىندا ماڭعىستاۋداعى Oil Construction Company (OCC) مۇناي سەرۆيسى كومپانياسىنىڭ كاسىپوداق باسشىسى ءامين ەلەۋسىنوۆتىڭ ىسىنە قاتىستى سوت پروتسەسى جالعاسۋدا.

ءامين ەلەۋسىنوۆ قىلمىستىق كودەكستىڭ ءتورت بابى - "سەنىپ تاپسىرىلعان بوتەن مۇلىكتى اسا ءىرى كولەمدە يەمدەنۋ، تالان-تاراجعا سالۋ" (176 باپ 4 ب.) ، "بيلىك وكىلىن جۇرت الدىندا نەمەسە باق ياكي تەلەكوممۋنيكاتسيا ارقىلى عايباتتاۋ" (378 باپ 2 ب.), "بيلىك وكىلىنە باعىنباۋ" (379 باپ 1 ب.)  جانە "بيلىك وكىلىنە كۇش قولدانۋ" (380 باپ 1 ب.) بويىنشا ايىپتالادى. سوت پروتسەسىنە كۋاگەر رەتىندە شاقىرىلعان ۋچاسكىلىك ينسپەكتورلار  س.نۇرپەيىسوۆ پەن ا. سىناباەۆ ايىپتالۋشىعا شاقىرۋ قاعازىن الىپ كەلگەندە، ونىڭ دورەكى مىنەز كورسەتكەندىگىن العا تارتتى.

ۋچاسكىلىك ينسپەكتورلاردىڭ ايتۋىنشا، ءا. ەلەۋسىنوۆ ولاردىڭ كيىمدەرىن جۇلقىلاپ، پوگوندارىن ءۇزىپ، ماشينالارىن تەپكەن. بوقاۋىز سوزدەردى دە تىم كوپ ايتقان.  وسى ەكى ۋچاسكەلىك ينسپەكتورلاردان كەيىن جاۋاپ بەرگەن كۋاگەر م. الدابەرگەنوۆ تە وسى اقپاراتتان اينىمادى.

ءوز كەزەگىندە، ءامين ەلەۋسىنوۆ بۇزاقىلىق مىنەزى ءۇشىن جانە ۋچاسكەلىك ينسپەكتورلاردىڭ قىزمەتىنە كەدەرگى كەلتىرگەنى ءۇشىن سوت وتىرىسىندا كەشىرىم سۇرادى. ارينە ومىردە بارلىعى كەشىرىم سۇراۋمەن بىتە قويسا… ءامين ەلەۋسىنوۆتىڭ دورەكىلىگى ءوزىنىڭ قىزمەتىن اسىرا پايدالانۋ، زاڭدى شەشىمدەردى ورىنداماۋ، زاڭعا باعىنباۋ، زاڭدى ەلەمەۋ رەتىندە دە كوپ بايقالاتىن. ماسەلەڭ، ەلەۋسىنوۆتىڭ ءسوز كوتەرە المايتىن مىنەزىنە تاپ بولىپ، كاسىپوداقتان قۋىلعان مۇنايشىلاردىڭ وقيعاسى ەلەۋسىنوۆتىڭ ءوز قىزمەتىن اسىرا پايدالانعانىنا دالەل بولا الادى. ولار بۇل تۋرالى وتكەن سوت وتىرىسىندا ايتقان بولاتىن. ال اشتىق اكتسياسى زاڭسىز دەپ تانىلعاندا، بارلىق مۇنايشىلاردى سوتتاي المايدى دەپ كوپشىلىكتى اشتىق اكتسياسىن زاڭعا قارسى بولسا دا ۇزبەۋى زاڭعا باعفىنبايتىندىعىنىن انىق دالەلى.

ەستەرىڭىزگە سالا كەتەيىك، ءىس ماڭعىستاۋداعى جارتى ايعا سوزىلعان Oil Construction Company مۇنايشىلارى اشتىعىنان باستالعان بولاتىن. بۇل رەتتە سوت شەشىمىمەن جابىلعان قازاقستاننىڭ تاۋەلسىز كاسىپوداقتار كونفەدەراتسياسىنىڭ جۇمىس ىستەۋىنە مۇمكىندىك بەرۋدى تالاپ ەتكەن مۇنايشىلار اشتىعى زاڭسىز دەپ تانىلعان ەدى. بىراق مۇنايشىلاردان اشتىق اكتسياسىن ۇزبەۋدى تالاپ ەتكەن مۇنايشىلار كاسىپوداعىنىڭ جەتەكشىلەرى ءامين ەلەۋسىنوۆ پەن نۇربەك قۇشاقباەۆ سول كەزدىڭ وزىندە زاڭعا قارسى شىققان.  سونىڭ ناتيجەسىندە ولار قىلمىستىق كۇدىككە ءىلىنىپ، قاڭتاردىڭ ورتاسىندا قاماۋعا الىندى.

اباي-اقپارات