بەيسەنبى, 28 ناۋرىز 2024
اداسقاندار 20549 67 پىكىر 28 ءساۋىر, 2017 ساعات 10:49

قورعانىس ءمينيسترى مۇسىلمانشىلىققا ءتىل تيگىزدى

قورعانىس ءمينيسترى ساكەن جاسۇزاقوۆ قاتتى قاتەلەستى. ول پارلامەنت ءماجىلىسىنىڭ دەپۋتاتى ساۋىتبەك ءابدىراحمانوۆتىڭ "اسكەرلەر اراسىندا راديكالدى كوڭىل كۇيدە جۇرگەن قانشا ءدىني فاناتتار بار؟" دەگەن سۇراعىنا جاۋاپ بەرەمىن دەپ بۇكىل مۇسىلمان قاۋىمنىڭ اشۋىن تۋعىزاتىن ءسوز ايتقان.

مينيستر بىلاي دەيدى. "سرەدي ناس نەت ليۋدەي، كوتورىە حوديات ۆ مەچەت يلي ەششە چتو-تو دەلايۋت". ءمينيستردىڭ مۇنىسىن قالاي تۇسىنەمىز؟

ءوز الەتىمىزشە تاپسىرلەپ كورەلىك.

1. تاۋەلسىز قازاقستاننىڭ اسكەر ساپىندا جۇرگەندەردىڭ ىشىندە مەشىتكە باراتىن ءبىر ادام بولماعانى ما؟ بۇل بىرىنشىدەن قۋانىشتى جاعداي ەمەس. سەبەبى، مەشىت پەن راديكالدىق اعىمدى بايلانىستىرا سويلەۋ ءمينيستردىڭ دەڭگەيىنىڭ تابان استىنا تۇسكەنىن كورسەتەدى.

2. مينيستر ايتقانداي-اق بولسىن! سوندا بۇل ماسەلەنىڭ ەكىنشى جاعى قىلاڭ بەرمەي مە؟ دەمەك مەشىتكە باراتىندار راديكالدى كوزقاراستا بولعانى عوي. قازىر قازاق جاستارىنىڭ 70-80 پايىزى جۇما نامازعا قاتىساتىن كورىنەدى. مينيستر سول بۇكىل قازاقتىڭ جاستارىن قارالاپ وتىرعان جوق پا؟ وسى 70-80 پايىز جاستىڭ اسكەرگە بارمايتىنىنا جاسۇزاقوۆ كەپىلدىك بەرە الا ما؟

3. جاسۇزاقوۆتىڭ "يلي ەششە چتو-تو دەلايۋت" دەگەنىنىڭ استارىندا ناماز وقۋ دەگەن ۇعىم جاتقانى ايتپاسا دا تۇسىنىكتى. يماندىلىققا بەت بۇرعان جاستاردان قورقاتىن ءمينيستردىڭ ويىن ءتۇسىنۋ قيىن.

4. جالپى، مەملەكەت تىزگىنىن ۇستاپ وتىرعان لاۋازىمدى تۇلعالار اۋزىنا اباي بولۋى كەرەك. ەگەراكي، بۇدان كەيىن ءبىزدىڭ ەلدە ءتۇرلى لانكەستىك ارەكەت بولا قالسا (قۇداي بەتىن ءارى قىلسىن), ءبىرىنشى بولىپ قورعانىس مينيسترلىگىنە شابۋىل جاساۋى ابدەن مۇمكىن. وعان جاسۇزاقوۆتىڭ مىنا ءبىر ءسوزى تولىعىمەن سەبەپشى بولا الادى.

5. راديكالدىق ۇيىم مەن ءداستۇرلى يسلامدى شاتاستىرۋ مينيسترلىككە وپا اپەرمەيدى. ادام بالاسى ءتۇبى و دۇنيەلىك بولارى انىق قوي. مىنا ءسوزدى ايتقان جاسۇزاقوۆتىڭ جانازاسى شىعارىلماي ما؟ ارينە، شىعارىلادى. سوندا تابىتتاعى ءمينيسترىمىز "راديكالى... چتو-تو دەلايۋت" دەپ جاتپاسىنا كىم كەپىل؟

مۇسىلمان بولىپ تۋدىق، مۇسىلمان بولىپ ولەمىز. وسىنى بيلىكتەگىلەر ۇمىتپاسا ەكەن.

ءشارىپحان قايسار

Abai.kz

67 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1561
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2251
عيبىرات

قايسار رۋحتى عازيز جان

مۇحتار قۇل-مۇحاممەد 3504