جۇما, 29 ناۋرىز 2024
كورشىنىڭ كولەڭكەسى 6937 7 پىكىر 28 ءساۋىر, 2017 ساعات 08:15

پۋتين رەسەيدى وكتەۋدە

رەسەيدىڭ پرەزيدەنتى ۆلاديمير پۋتين كەزەكتى ءاجۋانىڭ كەيىپكەرىنە اينالدى. كگب وفيتسەرى بولعان پرەزيدەنت پۋتين تۋرالى سۋ جاڭا تۋىندى (مۋلتفيلم) "Youtube.com" ارناسىندا جاريا بولدى. "پۋتين رەسەيدى وكتەۋدە" دەپ اتالادى.

قىسقاشا سيپاتتاماسى مىناۋ: 2000 جىلدان باستاپ كرەملگە قوجايىندىق ەتكەن پۋتين 17 جىلدا ورىستى وگىزدەي ءمىنىپ، وكتەپ كەلە جاتىر.

2018 جىلى رەسەيدە پرەزيدەنت سايلاۋى وتەدى. وعان پرەزيدەنت پۋتين دە قاتىسپاق. ەگەر جەڭىسكە جەتسە، رەسەي تىزگىنى 2024 جىلعا دەيىن ۆاكەڭنىڭ قولىندا بولماق. بۇل كەزدە ۆلاديمير ۆلاديميرۇلى 71 جاسقا كەلەدى.

ورىس حالقى وقتىن-وقتىن وسقىرىپ جاتىر دەمەسەك، ءپۋتيننىڭ تاقتان تايا قوياتىنىنا سەنىم از. پرەزيدەنت ءپۋتيننىڭ سايلاۋداعى باستى قارسىلاسى - وپپوزيتسيونەر الەكسەي ناۆالنىي. بۇل جىگىت ءساۋىردىڭ باسىندا بۇكىلرەسەيلىك قارسىلىق اكتسياسىن وتكىزدى. ءپۋتيننىڭ ەڭ سەنىمدى سەرىگى، ۋاعىندا ءبىر اۋىسىم پرەزيدەنت تاعىندا وتىرعان، رەسەيدىڭ قازىرگى پرەمەر-ءمينيسترى دميتري مەدۆەدوۆتىڭ ميلليونداپ جيعان-تەرگەنىن جۇرتقا جاريا ەتتى.

ناۆالنىي پۋتين بيلىگىنە پارمەن بەرە الا ما، الدە اۆتوريتار بيلىك ساقتالا ما، ۋاقىت ەنشىسىندە.

ايتپاقشى، داۋلى ءفيلمدى جاساعان ولەگ نوسكوۆ دەيتىن ازامات ەكەن.

كوسەمسوزشى ولەگ نوسكوۆ ءوزىنىڭ "مەسسياندىق يمپوتەنتسيا" اتتى ماقالاسىندا ءپۋتيننىڭ پافوستىق يدەيالارىن اشىق سىناپتى.

"رەسەي بيلىگىنە ليبەرالدار كەلگەن ونشاقتى جىلدان بەرى ءبىزدىڭ ازاماتتار بيلىكتىڭ ءىس-ارەكەتىنەن ساباق المادى ما؟ رەسەيلىك "ليبەراليزم" - پۋتيندىك ناتسيوناليزم سەكىلدى تاريحي قاتەلىك ەكەنىن نەجولى تۇسىنبەدىك؟", - دەپ جازادى ول.

ال جوعارىداعى تۋىندىدا - رەسەي حالقىنىڭ تۇرمىس-تىرشىلىگى، حال-كۇيى اششى ساركازممەن بەينەلەنگەن.

بۇل رەسەيدە كەلەر جىلى وتەتىن پرەزيدەنتتىك سايلاۋ الىنداعى مىلتىقسىز مايداننىڭ ءبىر كورىنىسى ىسپەتتى. سىزشە قالاي؟

نۇرزات توقاجان

Abai.kz

7 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2273
عيبىرات

قايسار رۋحتى عازيز جان

مۇحتار قۇل-مۇحاممەد 3590