بەيسەنبى, 28 ناۋرىز 2024
5300 0 پىكىر 27 ءساۋىر, 2017 ساعات 09:17

قىرعىزستاندا ەكى تەلەارنا جانجالداسىپ قالدى

قوعامدىق تەلەراديوكورپوراتسيا ەفيرىندە وتكەن اپتادا "مەگاكوم" قىلمىستىق ءىسى بويىنشا ۇستالعان الماز ابەكوۆقا تيەسىلى "اليپپە تۆ" ينتەراكتيۆتى تەلەارناسىنىڭ قۇرال-جابدىقتارى "سەنتيابر" تەلەارناسىنا وتكەنى تۋرالى سيۋجەت كورسەتىلدى. تەلەارنا باسشىلىعى سيۋجەتتەگى مالىمەتتى جوققا شىعارىپ، قوعامدىق تەلەارنانى سوتقا بەرمەكشى.

“سەنتيابر” تەلەارناسىنىڭ جەتەكشىسى قايىرگۇل ۋرۋمكانوۆانىڭ ايتۋىنشا، "مەديا سالاسىنداعى جاعداي ۋشىعىپ كەتتى". ء"بىز قوعامدىق تەلەارنا باسشىلىعىنا حات جازدىق. ولار 19 مينۋتتىق سيۋجەت كورسەتتى. ءبىزدى قارالادى. ولاي بولسا، بىزگە دە ەفير ۋاقىتىن ءبولسىن، ءوز سيۋجەتىمىزدى جاساپ كورسەتەيىك", - دەدى ۋرۋمكانوۆا.

قوعامدىق تەلەراديوكورپوراتسيانىڭ باس ديرەكتورى يليم قارىپبەكوۆتىڭ مالىمدەۋىنشە، سيۋجەت دايىنداۋ بارىسىندا "سەنتيابر" تەلەارناسىنا ءوز ۇستانىمىن كورسەتۋىنە مۇمكىندىك بەرىلگەن، بىراق ولار باس تارتقان.

ء"بىز سيۋجەت ءۇشىن سوتتا جاۋاپ بەرۋگە دايىنبىز. جۋرناليست بۇل تەلەارناعا بارىپ، قۇرال-جابدىقتاردى كورسەتۋىن، سۇحبات بەرۋىن سۇراعان. سول كەزدە "سەنتيابر" تەلەارناسى اقپاراتتىڭ جالعان ەكەنىن دالەلدەۋى ءتيىس ەدى", - دەدى قارىپبەكوۆ.

"سەنتيابر" تەلەارناسى قوعامدىق كورپوراتسيانى سوتقا بەرمەيتىن بولدى.

اباي-اقپارات

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1559
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2249
عيبىرات

قايسار رۋحتى عازيز جان

مۇحتار قۇل-مۇحاممەد 3499