دۇيسەنبى, 25 قاڭتار 2021
جاڭالىقتار 6791 16 پىكىر 25 ءساۋىر, 2017 ساعات 19:00

يساشىل كيمنىڭ ۇستىنەن قىلمىستىق ءىس قوزعالدى

جاقىندا الەمجەلىدە پوليتسەي قىزدى ۇرىپ-سوعىپ، كۇش كورسەتكەن ەر ادامنىڭ بەينە جازباسى جاريا بولدى. بۇل قوعامدىق ورتادا قىزۋ تالقىلانۋدا. ءتىپتى ۇلتارالىق جانجال تۋدىرارلىق پىكىرلەر جەلىدە گۋلەپ ءجۇر.

يسا پايعامباردىڭ اتىن جامىلعان كارىس جىگىتتىنىڭ پوليتسەي فورماسىنداعى قازاق قىزىن سوققىعا جىققانى تۋرالى بەينە جازبا كەڭ تارالىپ كەتتى.

وندا كارىس ازاماتى «يسانىڭ اتىمەن ايتامىن، تىزەرلە!» دەپ بۇيىرادى. بۇيرىعىنا باعىنباعان پوليتسەي قىزدى سوققىعا جىعادى.

ءبىز قر ءىىم مەملەكەتتىك ءتىل جانە اقپارات دەپارتامەنتىنىڭ ديرەكتورى الماس سادۋباەۆ مىرزاعا حابارلاسىپ، ماسەلەنىڭ جاي-جاپسارىن سۇراپ، بىلدىك.

"بۇل وقيعا وسى ءساۋىر ايىندا، الماتى قالاسىنىڭ الاتاۋ اۋدانىنا قاراستى مەكتەپتەردىڭ بىرىندە بولعان. قازىر ا.گ.كيمنىڭ ۇستىنەن قر قىلمىستىق كودەكسىنىڭ 380 بابى، 1-تارماعى بويىنشا قىلمىستىق ءىس قوزعالدى. بۇل "بيلىك وكىلىنە كۇش كورسەتۋ" دەگەن باپ. ايتا كەتەيىن، كيم ا.گ. بۇرىن ءماجبۇرلى تۇردە پسيحياتريالىق ەمحانادا ەمدەلگەن. ال بەينە جازباداعى قىز مەكتەپ ينسپەكتورى بولعان. قازىر ونىڭ دەنساۋلىعىنا ءتونىپ تۇرعان ەش قاۋىپ جوق", - دەدى الماس سادۋباەۆ.

Abai.kz

16 پىكىر