جۇما, 10 شىلدە 2020
COVID-19 قازاقستاندا. جۇقتىرعاندار — 54747. جازىلعاندار — 31815. قايتىس بولعاندار — 264
2380 0 پىكىر 25 ءساۋىر, 2017 ساعات 10:19

ماسكەۋدە قىرعىزداردىڭ قىلمىستىق توبى قانداستارىن توناۋمەن اينالىسقان

رەسەي استاناسىندا قىرعىزداردان اقشا تالاپ ەتىپ، ولاردى توناۋمەن شۇعىلدانعان قىلمىستىق توپ ۇستالدى. ءىىم مالىمەتى بويىنشا، كۇدىكتىلەردىڭ پاتەرىنەن قارۋ-جاراق تابىلعان.

ماسكەۋدەگى وتانداستارىنىڭ قىلمىستىق توبىنان زارداپ شەككەن ايدوستىڭ ايتۋىنشا، بىرنەشە جىگىت ونىڭ جۇمىسىنا كەلىپ، اقشا تالاپ ەتكەن.

"مەنىڭ مۇندا جۇمىس ىستەپ جۇرگەنىمە ءبىر جىلداي بولىپ قالدى. ولار مەنى قورقىتىپ، 80 مىڭ رۋبل تاۋىپ بەر دەدى. پوليتسياعا شاعىمدانۋعا ءماجبۇر بولدىم. وتباسىم ءۇشىن الاڭدادىم. ءوز قۇقىعىمدى قورعاعىم كەلەدى", - دەدى ول.

قىرعىزستان ءىىم وكىلى اسكات اليەۆتىڭ حابارلاۋىنشا، زارداپ شەگۋشىلەردىڭ ارىزى نەگىزىندە تەرگەۋ باستالعان:

"قىلمىستىق ءىس قوزعالدى. 19 ساۋىردە شۇعىل تەكسەرۋ شارالارى ءوتتى. ماسكەۋ پوليتسياسى قىرعىزستاننىڭ 1991-1994 جىلدارى تۋعان ءۇش ازاماتىن ۇستادى. ولاردىڭ پاتەرىنەن كالاشنيكوۆ اۆتوماتى مەن ونىڭ 29 پاترونى جانە تاپانشا تابىلدى. ۇستالعانداردىڭ ءبارى - ۇيىمداسقان قىلمىستىق توپتىڭ مۇشەلەرى".

كۇدىكتىلەردىڭ ەكەۋى بۇرىن سوتتالعانى انىقتالدى. ولار وزدەرىن رەسەيدە كوليا كيرگيز لاقاپ اتىمەن تانىمال قامشى كولباەۆ توبىنىڭ مۇشەلەرى رەتىندە تانىستىرعان.

اباي-اقپارات

0 پىكىر