جەكسەنبى, 5 شىلدە 2020
COVID-19 قازاقستاندا. جۇقتىرعاندار — 41065. جازىلعاندار — 13614. قايتىس بولعاندار — 188
2226 1 پىكىر 25 ءساۋىر, 2017 ساعات 10:13

"يسلام مەملەكەتىن" ناسيحاتتادى دەلىنگەن جەتى كۇدىكتى ەكى ايعا قامالدى

اقتوبە قالالىق سوتى "يسلام مەملەكەتى" ەكسترەميستىك توبىن قولداۋعا شاقىرعان جەتى كۇدىكتىنى قاماۋعا سانكتسيا بەردى. استانا سوتى 2015 جىلى 15 قازاندا يم-ءدى تەررورلىق ۇيىم دەپ تانىعان ەدى.

اقتوبە وبلىستىق سوتى ءباسپاسوز قىزمەتىنىڭ حابارلاۋىنشا، جەتى كۇدىكتىنى ەكى ايعا قاماۋ تۋرالى ۇكىم 22 ساۋىردە شىقتى. سوت مالىمەتى بويىنشا، ولارعا "ارازدىق تۋعىزۋ" جانە "تەرروريزمدى ناسيحاتتاۋ، تەررورلىق اكت جاساۋعا شاقىرۋ" قىلمىستارىنا قاتىستى ايىپتار تاعىلعان.

20 ساۋىردە ۇلتتىق قاۋىپسىزدىك كوميتەتى قازاقستاننىڭ وڭتۇستىگى مەن باتىسىندا جۇرگىزىلگەن رەيد كەزىندە تەرروريزمدى ناسيحاتتاعان جانە ءدىني ارازدىق تۋعىزعان 11 كۇدىكتىنى ۇستاعانىن حابارلادى. بۇعان قوسا، ارنايى قىزمەت ءتورت راديكالدىق توپتىڭ ارەكەتىنە تويتارىس بەرگەن.

اباي-اقپارات

1 پىكىر