اقتوبەدەگى جايىلما سۋدان زارداپ شەككەن جۇرتقا قوعامدىق ورتادا بەلسەندى ازاماتتار گۋمانيتارلىق كومەك كورسەتىپ، ەل ىشىنەن جىلۋ جيناۋدا.

استانا قالاسىندا ورنالاسقان "تاسقىنكومەك" دەپ اتالاتىن شتاپ پاتەرگە قاراپايىم حالىق كۇندەلىكتى تۇرمىسقا قاجەتتى زاتتاردى جەتكىزۋدە.

قوعام بەلسەندىلەرىنەن قۇرىلعان شتاپ پاتەردە قازىر ەرلان سايروۆ باستاعان ەلگە تانىمال ازاماتتار: مۇرات ابەنوۆ، بەرىك ابىدعالي، تالعات قاليەۆ، عالىم بايتوق جانە دينا ەلگەزەك جۇمىس ىستەپ جاتىر.

ەرلان بياحمەتۇلىنىڭ ايتۋىنا قاراعاندا، "تاسقىنكومەككە" استانا تۇرعىندارى ەرتە-كەش دەمەي كەلىپ جاتقان كورىنەدى. ولار جايىلما سۋدىڭ زاردابىن شەگىپ قالعان اقتوبەلىكتەرگە جىلى كيىم، اس-اۋقات اكەلۋدە. وسى رەتتە ءبىز سايروۆ مىرزادان ەڭبەكاقىلارى ۇزدىكسىز ءوسىپ،تەڭگەنى "تەڭدەپ" الاتىن دەپۋتاتتاردىڭ تاراپىنان قانداي دا ءبىر كومەك بولدى ما دەپ سۇرادىق.

-وكىنىشكە قاراي ايقىن قوڭىروۆتان وزگە پارلامەنت دەپۋتاتتارى ازىرگە حابارلاسقان جوق. دەپۋتات ايقىن قوڭىروۆ مىرزا كەلىپ، اقتوبەلىك اعايىنعا دەگەن كومەگىن كورسەتىپ كەتتى، - دەيدى ەرلان سايروۆ.

ءتۇيىن. ەندىگى جالقى سۇراعىمىز مىناۋ: حالىق جايىلما سۋدان زارداپ شەگىپ جاتقاندا، "حالىق قالاۋلىلارى" قايدا ءجۇر؟

قوسىمشا: قىزىلسۋدان جاپا شەگىپ وتىرعان ەلگە كومەك قولىن سوزامىن دەگەن اعايىن استانادا ورنالاسقان "رەسپۋبليكا-ءوڭىر-دامۋ" قوعامدىق قورىنىڭ شتاپ پاتەرىنە كەلۋلەرىنە بولادى.

بايلانىس تەلەفوندارى: 8 777 041 14 70, 8 7172 95-46-13.

استانا قالاسى، قوناەۆ كوشەسى 35.

تاسقىن شايىپ كەتكەن ايماقتان:

Abai.kz