سەنبى, 19 قىركۇيەك 2020
COVID-19 قازاقستاندا. جۇقتىرعاندار — 107199. جازىلعاندار — 101822. قايتىس بولعاندار — 1671
بۇ نە مازاق؟ 2883 14 پىكىر 9 ءساۋىر, 2017 ساعات 21:45

تەلەارنالارىمىز 25 جىل بويى قازاقتى جويۋعا قىزمەت ەتتى

اينالايىن التى الاش! اللا كەشىرسىن، بۇگىنگى قازاق ءوزىنىڭ جويىلىپ بارا جاتقانىن بايقاماي، ىشكەن-جەگەنگە ءماز بولىپ، قىسى-جازى، كۇندىز-ءتۇنى توي تويلاۋدى عانا بىلەتىن ساناسىز ۇلتقا اينالىپ بارادى.

قازاقتىڭ ۇلتتىق نامىستى، ۇلتتىق سانانى ويلاماي، 25 جىلدان بەرى ەڭ بولماسا ورىس تىلىنەن، ءوز تىلىنە تاۋەلسىزدىك اپەرە الماعانىن بايقامايتىن كۇيگە تۇسۋىنە دە تەلەارنالاردان قازاقتى ساناسىزداندىرۋ ساياساتى باستى سەبەپ بولىپ وتىر. ەلدى باسقارۋدىڭ "نارودۋ حلەبا ي زرەليششا", ياعني حالىققا قارنىن تويعىزىپ، ويىن-ساۋىق كورسەتە بەرسەڭ بولادى دەگەن سۇمدىق ساياسي ءتاسىلى بار. سول ءتاسىل تەلەارنالار ارقىلى 25 جىلدان بەرى جۇرگىزىلىپ كەلەدى.

تەلەۆيزيا - XXI عاسىردىڭ ەڭ قۋاتتى قارۋى. ءبىز تاۋەلسىزدىك الدىق دەپ ءوزىمىزدى ءوزىمىز جۇباتىپ، 25 جىل شۋىلداپ جۇرگەندە عاسىرلار بويى اۋەلى پاتشالىق رەسەيدىڭ، سوسىن كەڭەستىك رەسەيدىڭ شوۆينيستىك، يمپەرياليستىك، كولونياليستىك-وتارشىلدىق قۇرساۋىندا ءسونىپ قالعان ۇلتتىق رۋحىمىزدى كوتەرىپ، ۇلتتىق سانامىزدى وياتاتىن بىردە-ءبىر تەلەارنا تۇگىل تەلەجوبا بولعان جوق. كەرىسىنشە تەلەارنالاردى باسىپ العان ءانشى ەمەس انشىلەر،سازگەر ەمەس سازگەرلەر، كۆن-شىلار قازاق ءتىلىن ورىسشانىڭ اۋدارماسىنا اينالدىردى. مورالدىك جاعىنان ازعىنداعان ايەلدى قىزدارىمىزعا ۇلگى ەتىپ كورسەتتى. قىسقاسى ۇلت رەتىندە جويىلمايىق دەسەك،تەلەارنالارىمىزدى سايقىمازاقتاردان، انشىسىماقتاردان، كۆن-شىلاردان تازارتىپ، قازاقتىڭ ۇلتتىق رۋحىن، وتارلانعان ساناسىنان وياتاتىن جوبالار جاسايتىن ۇلتجاندى، ءبىلىمدى جۋرناليست ازاماتتاردىڭ قولىنا تاپسىرايىق. ايتپەسە، مىنا تۇرىمىزبەن ۇلت رەتىندە جويىلىپ كەتەمىز.

ويانايىق، ويانايىق!

جۇماش كوكبورى

Abai.kz

14 پىكىر