جۇما, 29 ناۋرىز 2024
كورشىنىڭ كولەڭكەسى 5777 14 پىكىر 4 ءساۋىر, 2017 ساعات 12:03

اتامباەۆ ارانداتۋشى ما؟

قىرعىزستاندا پرەزيدەنت سايلاۋى بولادى. بۇل سايلاۋعا قاتىسپايتىنىن ايتقان قىرعىز باسشىسى المازبەك اتامباەۆ سوزدەن ءسۇرىندى. تاعى دا.

وسى جولى قازاق پەن قىرعىزدىڭ ەكونوميكالىق الەۋەتىن سالىستىرىپ، قازاق اۋىلدارىنان گورى قىرعىز جۇرتى باقۋاتتى تىرشىلىك كەشىپ جاتقانىن ايتتى.

ءسوزىن بۇرمالاپ، بالە ىزدەۋدەن اۋلاقپىز. قىرعىز پرەزيدەنتى اتامباەۆتىڭ ايتۋىنشا،

"قازاقستانعا قاتىستى ايتار بولساق، پرەزيدەنت نازارباەۆتىڭ كورەگەن ساياساتىنىڭ ارقاسىندا بۇل — تمد مەملەكەتتەرىنىڭ اراسىندا ادام باسىنا شاققانداعى جالپى ىشكى ءونىم دەڭگەيى بويىنشا كوشباسشى ەل.
ال بىزدە قازاقستانمەن سالىستىرعاندا ادام باسىنا شاققانداعى جالپى ىشكى ءونىم دەڭگەيى توعىز ەسە از. ياعني، بارلىق ەسەپ بويىنشا ءبىزدىڭ ازاماتتار قازاقستاندىقتارعا قاراعاندا جەتى-توعىز ەسە ناشار تۇرۋى كەرەك. ءبىز ءىس جۇزىندە قازاقستان مەن قىرعىزستاندا تۇراتىن قاراپايىم حالىقتىڭ تۇرمىسى ءبىر-بىرىنەن قاتتى ەرەكشەلەنبەيتىنىن بىلەمىز.
الايدا ءبىزدىڭ تالاس وبلىسىنىڭ تۇرعىندارى كورشى ەلدەگى كەي ازاماتتاردان، مىسالى، جامبىل وبلىسىنىڭ ادامدارىنان جاقسىراق تۇرادى".

اتامباەۆتىڭ ءسوزى قانشالىقتى قيسىندى؟ ءسوز اراسىندا ايتىلىپ كەتتى دەيتىنگە كەلمەيدى.

ەستەرىڭىزگە سالا كەتەيىك، وسىعان دەيىن قىرعىز پرەزيدەنتى قازاقستاندى ەۋرو ارنادا ايىپتاپ، 2010 جىلعى قىرعىز دۇربەلەڭى كەزىندە كىسى قازاسىنا ءبىزدى سەبەپكەر ەتىپ كورسەتكەن.

ارتىنشا قىرعىز رەسپۋبليكاسىنىڭ جوعارعى كەڭەسى دەپۋتاتتارى اتامباەۆتىڭ ءسوزىن قوشتاي جونەلدى.

اتامباەۆتىڭ مۇنىسىنا تۇسىنىستىكپەن قاراعان قازاقستان پرەزيدەنتى نازارباەۆ، قىرعىزداعى ساياسي ناۋقان كەزىندەگى اۋرە-سارساڭنىڭ اراسىندا ايتىلعان دەگەنگە سايدىردى.

ءجا، بەس جىل سايىن ءبىر سىلكىنىپ الاتىن قىرعىز جۇرتى بيىل دا بىرنەشە ميتينگ وتكىزدى. سايلاۋ الدىندا تۇتقىندالىپ كەتكەن وپپوزيتسيا جەتەكشىلەرىن بوساتۋدى تالاپ ەتكەن ادامدار پوليتسيا قىزمەتكەرلەرىمەن قاقتىعىسىپ قالعان. ول كەزدە ميتينگ كۇشپەن تاراتىلدى.

شەكاراسىن بۇزىپ، اۋىل اراسىن جاقىنداتقان، قينالسا اقشاسىن دا، باسقاسىن دا ءبولىپ بەرگەن قازاق جۇرتىنا ايىرقالپاق اعايىننىڭ ايتقان العىسى وسى ما دەگەن كۇدىكتى وي كەلەدى. بۇلىك ىزدەپ، بالە شاقىرۋدان اۋلاقپىز. تەك تىنىش جاتقان ەكى ەلدىڭ بايلانىسىن ءبىرتۇرلى مالىمدەمەلەرىمەن بۇزىپ وتىراتىنداي، اتامباەۆ ارانداتۋشى ما؟ ايتپەسە، بۇلاي ايتپاۋى كەرەك پە ەدى؟

اتامباەۆتىڭ وسى جولى ايتقاندارىنا قازاقستاننىڭ سىرتقى ساياساتقا جاۋاپتى ورگاندارى نە دەيدى؟

نۇرزات توقاجان

Abai.kz

 

14 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1572
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2267
عيبىرات

قايسار رۋحتى عازيز جان

مۇحتار قۇل-مۇحاممەد 3568