دۇيسەنبى, 6 شىلدە 2020
COVID-19 قازاقستاندا. جۇقتىرعاندار — 41065. جازىلعاندار — 13614. قايتىس بولعاندار — 188
«سوقىر» فەميدا 6439 13 پىكىر 4 ءساۋىر, 2017 ساعات 01:17

ساعاديەۆتىڭ ءسوزى  قۇرعاق ۋادە بولىپ قالعانى ما؟

ءسىز ءۇشىن مۇعالىم كىم؟ قوعامنىڭ ايناسى، زاماننىڭ جارشىسى،  جەتكىنشەك جاس ۇرپاقتىڭ ءمىنسىز ۇلى تۇلعاسى ما؟ القالى توپتا اق جاعالىلارمەن يىق تىرەسىپ توردەن ورىن الاتىن تورەگە لايىق قۇرمەت يەسى مە؟

«ايتقاننىڭ اۋزى جامان، جىلاعاننىڭ كوزى جامان» دەيدى قازاق.  مۇعالىم مارتەبەسى،  مۇعالىم بەدەلى،  مۇعالىمنىڭ جاي-كۇيى جايلى سان مارتە ايتىلىپ تا، جازىلىپ تا ءجۇر.  باياعى جارتاس سول جارتاس،  جاڭعىرىق بوپ قالادى، ءاردايىم. ۇستازدىڭ جانايقايىن ساڭىراۋ-مىلقاۋ قۋ جارتاس قايدان ۇقسىن؟

مىنە، كوكتەمگى ناۋقان باستالدى. بۇل  سۋرەتتەگىلەر «كوشە  تازالىقشىلارى»  ەمەس، ۇستازدار!

بۇل  الماتى وبىلىسى، قاراساي اۋدانى، ءال-فارابي اتىنداعى دارىندى بالالارعا ارنالعان ءۇش تىلدە وقىتاتىن ارناۋلى گيمنازياسىنىڭ مۇعالىمدەرى.

التى الاشتىڭ باسى قوسىلعاندا توردەن ورىن الاتىن  ۇستازدارىمىز قوقىس تەرىپ، كوشە بويىن تازالاۋدا. كۇنى كەشە عانا ۇستازدار قاۋىمىنا ارا ءتۇسىپ، əرىپتەستەرىن «əكىمشىلىك  جۇمىستارىنان اراشالاپ الامىن»  دەگەن  مينيستر ەرلان كەنجەعاليۇلى ساعاديەۆ مىرزا ءسوز بەرىپ ەدى. سول ءسوزى انشەيىن ءبىر قۇرعاق ۋəدە بولىپ قالعانى  ما؟  Əلدە əكىمدىك  تەگىن  ەڭبەك كۇشىنەن  وپ- وڭاي ايىرىلعىسى كەلمەگەنى  مە؟ ولار ۇستازدار قاۋىمىن قويداي  توعىتىپ، قوزىداي كوگەندەپ قوعامدىق جۇمىسقا سالا بەرمەك پە؟ ...

بəزبىرەۋلەر بۇنى «وتانسۇيگىشتىك» دەپ اقتالاتىن بولار، ال مەن ءۇشىن بۇل ۇستاز مəرتەبەسىنىڭ  تىم  تومەندىگىنىڭ بەلگىسى...   ۇستازىنىڭ   جۇپىنى  كيىنىپ، كۇل-قوقىستى  تەرىپ  جۇرگەنىن  كورگەن  وقۋشى  قالاي  عانا  مۇعالىمگە ەلىكتەپ  وسەدى؟ ولار ءۇشىن ۇستاز – كومپىس تە، قوراش، بەيشارا  قاۋىم بوپ  كورىنبەيمە؟!.....

مۇعالىمگە قاراپ بوي تۇزەيتىن قوعام مەن وقۋشى جوق قازىر. ويتكەنى، مۇعالىم قولىنا كۇرەك، سىپىرتقىسىن كوتەرىپ، قاپ ارقالاپ كوشە تازالىپ جۇرسە، وعان قاراپ كىم بوي تۇزەمەك؟ اكىم-قارانىڭ قول بالاسى بولىپ، ءۇي ارالاپ، ساناق جۇرگىزسە، سايلاۋداعى ۇگىت-ناسيحات ءۇشىن كىم كورىنگەننىڭ ەسىگىن قاعىپ، جاۋتەڭدەپ قاباعىن باقسا، ۇستاز قالاي عانا تورەدەي توردەن ورىن الماق؟ «يت كوزى ءتۇتىن تانىماس» دەگەن وسى ەمەس پە؟

الاتاۋداي اتىنان  ات ەمەس اتان ۇركەتىن، وسەر ەلدىڭ ەرتەڭى،  ۇلت قامى،  ۇرپاق بولاشىعى ءۇشىن  جانىن  سالىپ جۇرگەن ۇستازدارىمىزدىڭ قوعامداعى بۇگىنگى ورنى مەن بەينەسى وسى.

مينيستر سوزىندە تۇرسا، بەتى بەرى قارار ەدى-اۋ، مىنا قوعامنىڭ...

دالەل جاناتۇلى، ۇستاز

Abai.kz

 

 

 

13 پىكىر