بەيسەنبى, 28 ناۋرىز 2024
46 - ءسوز 6140 4 پىكىر 3 ءساۋىر, 2017 ساعات 02:11

كورەيادا قازاقتار ەڭ ارزان جۇمىس كۇشى بولىپ ەسەپتەلەدى

كورەي ەلىنەن قايتار جولدا سامولەتكە التى ادام بارىنەن كەشىگىپ كىردى. ءبارى وتە اشۋلى. ءجون سۇراساق، ولار ءۇش كۇن بۇرىن كەلىپ، كورەي كوشى-قون قىزمەتى جىبەرمەگەن سوڭ اۋەجايدا بولىپ بوس قالعان ورىندارعا وتىرىپ كەرى قايتقاندار ەكەن.

بۇرىندارى كوپتەگەن قازاقتار مۇندا كەلىپ جۇمىس تاۋىپ قالىپ قويىپتى. قازىر وندا كوپتەگەن ءبىزدىڭ ەلدىڭ ازاماتتارى زاڭسىز ميگرانت رەتىندە قالىپ، ناپاقا تاۋىپ ءجۇر ەكەن. بۇل جاعدايدان حاباردار بولعان سوڭ كورەيلەر كەلۋشىلەردى قاتاڭ تەكسەرە باستاپتى. وسىلايشا، قءازىر كوپتەگەن جۇمىس ىزدەپ بارعان قازاقتار وندا كىرە الماي جاتىر ەكەن. بىزبەن بىرگە كەرى قايتقانداردىڭ ايتۋىنشا ولار كورەي ەلىنە كىرۋ ءۇشىن بارۋ-كەلۋ بيلەتىن الىپ، وتەلگە برون جاساپتى، سوندىقتان ولاردى اۋەجايداعى ەركىن زوناعا قالدىرىپتى، ال، تەك ءبىر جاققا بيلەت العانداردى پودۆالعا قامايدى. كەرى قايتۋعا بيلەتتەرىن ايىرباستاپ كەز-كەلگەن رەيسكە وتىرعىزىپ جاتىر ەكەن. ال، پودۆالداعىلاردىڭ قاشان قايتارى بەلگىسىز...

ايتۋلارىنا قاراعاندا قازاقتار وندا ەڭ ارزان جۇمىس كۇشى بولىپ ەسەپتەلەدى ەكەن، سوندىقتان تەز جۇمىس تاباتىن كورىنەدى. ءبىر-بىرىنەن ەستىپ كورەي ەلىنە بىزدەن بارۋشىلار كوبەيىپ كەتىپتى، سونىمەن قاتار، اراب ەلدەرىنە دە بارۋشىلار سانى ارتىپ جاتىر دەسەدى . مەنىڭشە ەندى بيلىك الەمدى جۇمىس ىزدەپ كەزىپ كەتكەن قازاقتارعا قۇقىقتىق، اقپاراتتىق قولداۋ كورسەتۋى قاجەت سياقتى. ەلىمىزدە جۇمىس تابا الماي شەتكە شىعۋشىلاردى قاي ەلگە بارۋعا بولاتىنى جايلى اقپاراتپەن قامتىپ وتىرسا ازاماتتار وزگە ەلدىڭ اۋەجايىندا وسىلايشا قاڭتارىلماس ەدى. سونىمەن قاتار، وزگە ەلدە زاڭسىز جۇمىس ىستەپ ارزان جۇمىس كۇشىنە اينالعان قانداستارىمىزدى سول ەلدىڭ ازاماتتارى باسىنباس ءۇشىن ولارعا قامقورلىق جاساۋ دا قاجەت. مەنىڭ ايتپاعىم، ادامدار جەتىسكەنىنەن وزگە ەلدەن ناپاقا ىزدەمەيدى، ەگەر ولار وزگە ەلدە جۇمىس ىستەسە ءوز ەلىنە دە كومەگى تيەدى. سوندىقتان، بيلىك قازاق گاستەربايتەرلەرگە قولداۋ كورسەتۋ ساياساتىن دامىتۋى ءتيىس.

ەسبول ءومىرجانوۆ

Facebook-تەگى پاراقشاسىنان

4 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3521