قر ءدىن ىستەرى جانە ازاماتتىق قوعام مينيسترلىگىنىڭ ازاماتتىق قوعام ىستەرى جونىندەگى كوميتەتى توراعاسىنىڭ ورىنباسارى ب.مۋسين 400 مىڭ تەڭگە پارامەن ۇستالىپ، قاماۋعا الىندى، دەپ حابارلايدى "baq.kz" ء"تىلشىسى.

«جەمقورلىققا قارسى ءىس-قيمىل ۇلتتىق بيۋروسىنىڭ استانا قالالىق دەپارتامەنتى قر ءدىن ىستەرى جانە ازاماتتىق قوعام مينيسترلىگىنىڭ ازاماتتىق قوعام ىستەرى جونىندەگى كوميتەتى توراعاسىنىڭ ورىنباسارى ب.ءمۋسيننىڭ مەملەكەتتىك ساتىپ الۋعا قاتىسۋشىلار مۇددەسىن لوببيلەۋ ءۇشىن جۇيەلى تۇردە پارا العاندىعىن انىقتادى»، - دەپ حابارلادى ۇلتتىق بيۋرونىڭ ءباسپاسوز قىزمەتى.

بۇگىن، ياعني 31 ناۋرىزدا، ب.مۋسين كاسىپكەردەن 400 مىڭ تەڭگە كولەمىندەگى پارانىڭ كەزەكتى بولىگىن الۋ بارىسىندا ۇستالدى. ول استانا قالالىق ءىىد ۋاقىتشا وقشاۋلاعىشىنا قاماۋعا الىندى.

پارانىڭ جالپى سوماسى 1,4 ملن تەڭگەنى قۇراعان.

«قازىرگى تاڭدا تەرگەۋ امالدارى جۇرگىزىلۋدە»، - دەلىنگەن ۇلتتىق بيۋرونىڭ ءباسپاسوز قىزمەتىنىڭ مالىمەتىندە.

Abai.kz