«تۇرىك ءتىلى — تۇرىك حالقىنىڭ جۇرەگى، ويى!»
مۇستافا كەمال اتاتۇرىك: «مەن ءۇشىن ەڭ ۇلى قورعانىس ۇياسى، ەڭ ۇلى كومەك كوزى — ۇلتىمنىڭ كەۋدەسى. سوندىقتان دا مەن ۇلتىمنىڭ كەۋدەسىن ەشكىمگە باستىرماۋ ءۇشىن بارىمدى سالامىن!»
«مەن قاجەت بولسا، ۇلتىم ءۇشىن ءوز ءومىرىمدى دە قيامىن!»
«ۇلتقا قوجالىق جاساۋعا، قوقاڭداۋعا بولمايدى! ۇلتقا تەك قىزمەت ەتۋ كەرەك! ۇلتقا قىزمەت ەتكەن ادام عانا ۇلتقا باس يە بولا الادى!»
«تۇرىك ۇلتى دەگەن ءسوز — تۇرىك ءتىلى دەگەن ءسوز. تۇرىك ءتىلى — تۇرىك ۇلتىنىڭ ەڭ قاسيەتتى، ەڭ كيەلى، ەڭ يەلى قازىناسى. تۇرىك ءتىلى — تۇرىك حالقىنىڭ جۇرەگى، اقىلى ءھام ويى!»
ء«بىزدىڭ ءبارىمىز پارلامەنت دەپۋتاتى بولا الامىز، مينيستر بولا الامىز، ءتىپتى رەسپۋبليكا پرەزيدەنتى دە بولا الامىز. بىراق، ونەر ادامى بولا المايمىز. سوندىقتان ونەر ادامى ءبىزدىڭ (بيلىكتەگىلەردىڭ) ەمەس، ءبىز ونەر ادامىنىڭ قولىنان سۇيۋگە ءتيىسپىز!»
«مەن ديكتاتور ەمەسپىن. مەندە كۇش بار ەكەندىگى ايتىلىپ ءجۇر. ارينە، بۇل دۇرىس. مەنىڭ ويعا الىپ، ورىنداماعان نارسەم جوق. ويتكەنى، مەن زورلىقپەن جانە مەيرىمسىزدىكپەن ارەكەت ەتۋدى بىلمەيمىن. مەن ادامداردى رەنجىتۋ ەمەس، ولاردىڭ جۇرەگىن جاۋلاپ الۋ ارقىلى بيلىك جۇرگىزۋدى قالايمىن».
«بىزدەردى «ۇلتشىلدار» دەيدى. بىراق ءبىز ۇلتشىل بولعاندا دا وزىمىزبەن ىنتىماقتاستىق جاسايتىن بارلىق ۇلتتاردى قۇرمەتتەيتىن، ولاردىڭ ويىنان شىعاتىنداي ۇلتشىلدارمىز».
(بەرىك ءۋاليدىڭ FB-داعى پاراقشاسىنان الىندى).
