سەنبى, 24 قازان 2020
COVID-19 قازاقستاندا. جۇقتىرعاندار — 110250. جازىلعاندار — 105566. قايتىس بولعاندار — 1796
46 - ءسوز 5617 0 پىكىر 7 اقپان, 2015 ساعات 19:41

ارمان سقابىلۇلى. «اۋتسورسينگ» دەگەن اۋرۋ بار

پارلامەنت قابىرعاسىندا ۆيتسە-سپيكەر داريعا نازارباەۆا مەملەكەتتىك تاپسىرىس تەندەرلەرىنىڭ 37,8 پايىزىن ۇتىپ، 400 ميلليارد تەڭگەنىڭ جۇمىسىن يگەرگەن ادامداردىڭ اتىن اتاپ، ءتۇسىن تۇستەۋدى تالاپ ەتتى. قازاقستاندىق «فوربستىڭ» جازۋىنشا بيۋدجەت قارجىسىنىڭ ارقاسىندا 15 ادام بايىپ شىعا كەلىپتى. وتە ورىندى كوتەرىلگەن ماسەلە. ەندى «مەملەكەتتىك تاپسىرىستار جونىندەگى زاڭعا» شۇعىل وزگەرىستەر ەنگىزىلىپ جاتىر. مەنى وسىعان ۇقساس ەكىنشى ماسەلە قاتتى الاڭداتادى. سول داريعا حانىم ىشكى «كۋحنياسىن» بۇگە شەگەسىنە دەيىن بىلەتىن مەملەكەتتىك تەلەارنالاردا «مەم.تاپسىرىسقا» ۇقسايتىن بىردەڭە بار. نارىق مەنەدجەرلەرى «اۋتسورسينگ» دەپ اتايدى. ول دا ارنالارداعى بيۋدجەتتىڭ اقشاسىن بوتەن كومپانيالارعا تاپسىرىس بويىنشا بەرۋگە ارنالعان ءادىس. مۇندا دا ميللياردتار اينالىمعا تۇسەدى. ءبىر ايىرماشىلىعى – اۋتسورسينگكە باعدارلاما بەرىلەردە ەشقانداي تەندەر وتكىزىلمەيدى. تەلەارنانىڭ ءوز ىشىندەگى «كوركەمدىك كەڭەس» وسى ماسەلەگە بايلانىستى شەشىم شىعارۋى ءتيىس. ال، «كوركەمدىك كەڭەستەردىڭ» كوز بوياۋ ءۇشىن قۇرىلا سالعان «قۋىرشاق» ەكەندىگىن، كىمگە ، قانشا قارجىعا باعدارلاما بەرۋ كەرەك ەكەندىگىن ءبىرىنشى باسشىنىڭ اينالاسىنداعى ات توبەلىندەي عانا توپتىڭ شەشەتىندىگى قازىر ەشكىمگە قۇپيا ەمەس. ناتيجەسىندە، سوڭعى ءۇش-ءتورت جىلدا بيۋدجەت قارجىسىنىڭ ارقاسىندا «فوربسقا» كىرمەسە دە، قالتاسى قالىڭ شوۋ-بيزنەس وكىلدەرىنىڭ ءتىزىمىن باستاعان مىقتىلار پايدا بولدى. قىمبات باعدارلاما دا سولاردىكى، اقشاسى كوپ ۇزاق سەريالدار دا سولاردىكى. قاراپايىم جۋرناليستەر كىرە المايتىن ەسىكتى «ەسەنتاەۆالار تەۋىپ كىرەتىن» زامان تۋدى. ولاردىڭ جاساعان جۇمىسىنىڭ ساپاسىن قاراپ، قايتارىپ جىبەرىپ، قايتا جاساتىپ نەمەسە بيۋدجەتتىڭ ەسىل اقشاسىن ورنىنا قويىپ جاتقانداردى جانە بايقامادىق. ەگەر الدەبىر قۇرىلىس كومپانياسى بيۋدجەت اقشاسىنا مەكتەپ سالىپ، ول ساپاسىز بولىپ شىقسا ءسوزسىز جاۋاپقا تارتىلادى. ال، ساپاسىز، رەيتينگى تومەن باعدارلاما، سەريال تۇسىرگەندەر مەن ونى بەرگەندەر نەگە جاۋاپقا تارتىلمايدى؟ بۇل دا بيۋدجەتتىڭ، حالىقتىڭ قارجىسى عوي...
پارلامەنتتە وسىنداي ماسەلەلەردى وتكىر قويىپ جۇرگەن دەپۋتاتتاردىڭ بار ەكەنىن بىلەمىز.ولار «اۋتسورسينگ» دەگەن بالەنىڭ ناقتى مەحانيزمىن انىقتاپ بەرىپ، بيۋدجەت اقشاسىنىڭ ازعانتاي توپتىڭ قالتاسىندا كەتپەۋىنە توسقاۋىل قوياتىن زاڭدىق نەگىز قالىپتاستىرۋعا ىقپال ەتەدى دەپ سەنەمىن. وسى اۋتسورسينگتىڭ دۇرىس جاسالماي جاتقاندىعىنان قازىردىڭ وزىندە جۇزدەگەن كاسىبي جۋرناليستەر جۇمىسسىز قالدى. ەرتەڭ ودان دا كوپ بولادى... «اۋتسورسينگ» دەگەن قازىر جۋرناليستەر ءۇشىن «اۋسىلدان» دا اۋىر بولىپ تۇر.

(جازبا اۆتوردىڭ facebookتەگى پاراقشاسىنان الىندى).

0 پىكىر