ەلشىلەردىڭ ەسىمى بەلگىلى بولدى
«مەملەكەت باسشىسى نۇرسۇلتان نازارباەۆتىڭ جارلىقتارىمەن قازاقستان رەسپۋبليكاسىنىڭ بىرقاتار ەلدەگى ەلشىلەرى تاعايىندالدى» دەپ حابارلايدى اقوردانىڭ ءباسپاسوز قىزمەتى.
اتاپ ايتقاندا، مەملەكەت باسشىسىنىڭ جارلىقتارىمەن قازاقستان رەسپۋبليكاسىنىڭ يسپانيا كورولدىگىندەگى توتەنشە جانە وكىلەتتى ەلشىسى باقىت امانگەلدىۇلى دۇيسەنباەۆ قازاقستان رەسپۋبليكاسىنىڭ اندوررا كنيازدىگىندەگى توتەنشە جانە وكىلەتتى ەلشىسى قىزمەتىن قوسا اتقارۋشى قىزمەتىنە;
قازاقستان رەسپۋبليكاسىنىڭ شۆەتسيا كورولدىگىندەگى توتەنشە جانە وكىلەتتى ەلشىسى داستان شەريازدانۇلى ەلەۋكەنوۆ قازاقستان رەسپۋبليكاسىنىڭ دانيا كورولدىگىندەگى توتەنشە جانە وكىلەتتى ەلشىسى قىزمەتىن قوسا اتقارۋشى قىزمەتىنە;
قازاقستان رەسپۋبليكاسىنىڭ مالايزياداعى توتەنشە جانە وكىلەتتى ەلشىسى دانيار قابيدوللاۇلى سارەكەنوۆ قازاقستان رەسپۋبليكاسىنىڭ برۋنەي-دارۋسسالامداعى توتەنشە جانە وكىلەتتى ەلشىسى قىزمەتىن قوسا اتقارۋشى قىزمەتىنە;
ال، مەملەكەت باسشىسىنىڭ وكىمىمەن شاحرات شاكيزاتۇلى نۇرىشەۆ باسقا جۇمىسقا اۋىسۋىنا بايلانىستى قازاقستان رەسپۋبليكاسىنان شانحاي ىنتىماقتاستىعى ۇيىمى قىزمەتىنىڭ ماسەلەلەرى جونىندەگى ۇلتتىق ۇيلەستىرۋشى قىزمەتىنەن بوساتىلدى.
اباي-اقپارات.
