جۇما, 29 ناۋرىز 2024
46 - ءسوز 9996 0 پىكىر 23 اقپان, 2015 ساعات 09:08

ادامنىڭ كەيبىر كەزدەرى

قاسىرەت ادامدى ەكى ءتۇرلى كۇيگە شىڭدايدى. 
بىرىنشىدەن، تىم كوڭىلشەك بولىپ كەتەسىڭ. قيت ەتسە، كوزىڭنىڭ جاسى مونشاقتاپ دايىن تۇرادى. 
ەكىنشىدەن، بۇرىنعىعا قاراعاندا الدەقايدا سابىرلى مىنەز قالىپتاسادى.
ءبىرىنشى كۇيگە توقتالايىق. بىرەۋدىڭ قاسىرەتىن كورگەن ساتتە ءوز جاراڭنىڭ اۋزى اشىلىپ، جۇرەكتەن ساۋلاعان قايعىنىڭ باسىلا قويۋى قيىن. كوڭىل كوبەسى سوگىلىپ، سەزىم نوسەرى سەلدەي بەرەدى. قاي-قايداعى ەسىڭە ءتۇسىپ، باسىڭنان وتكەن نە ءبىر سۇمدىق جايلار كوز الدىڭا كولبەڭدەپ كەلە قالادى. ءداپ سول كۇنگى كۇيدى قايتادان باستان كەشەسىڭ. سول سۇمدىقتى سول كۇننەن گورى بۇگىن باستان وتكەرۋ – الدەقايدا اۋىر. ويتكەنى، قاسىرەتتىڭ سالماعىن انىعىراق سەزىنەسىڭ. سول كۇنگىدەي ەسىڭ جوق كۇيدە ەمەس. مۇنى ءتۇسىندىرۋ قيىن. باسىنا تۇسپەگەن جان بۇل كۇيدى ءدال ۇعىنا المايدى. مۇندايدا ەشكىمنىڭ جۇباتۋىن دا قالامايسىڭ. جۇباتقان جاندى جەك كورىپ تۇراسىڭ. ابدەن شەرىڭدى شىعارىپ بارىپ قايتاسىڭ.
ەكىنشى كۇيگە كەلسەك، بۇدان بىلايعى ومىرىڭدە تۋىندايتىن قاۋىپتى جايلارعا توزىمدىلىك تانىتاسىڭ. «اناۋ قاسىرەتتەن وتكەن قانداي سۇمدىق بولۋى مۇمكىن، سوندا دا ولگەن جوقپىن. قۇداي بەرگەن جاندى قۇداي الادى» دەگەن وي ساباڭا تۇسىرەدى. مۇنى جازمىشتان قاشىپ قۇتىلا المايتىنىڭدى ناقتى ءتۇسىنۋ دەسە دە بولادى. ءوز سەزىمىڭمەن ءوزىڭ ارپالىستىم دەگەنشە شاراسىزدىق شىرماۋىنا شاتىلدىم دەي بەر. ولاي بولماس ءۇشىن بۋىرقانعان جان تەبىرەنىسىن سابىر جايالىعىنا بۇكتەپ، ارىراق يتەرە سالاسىڭ. وسىلايشا بۇعان دەيىن كۇيدىرىپ-جاندىراتىن اۋىرتپاشىلىقتىڭ سالماعى جەڭىلدەي تۇسەدى. 
قاسىرەتتىڭ كۇيىك ءدامىن تاتقان سايىن ادام قاسىرەتكە قاسقايا قارايتىن بولادى.

گۇلماريا بارمانبەكوۆا.

 

(جازبا اۆتوردىڭ facebookتەگى پاراقشاسىنان الدىندى).

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1581
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3610