جۇما, 29 ناۋرىز 2024
جاڭالىقتار 4346 0 پىكىر 23 اقپان, 2015 ساعات 13:37

تقجب: نەسيە بەرۋ تۇراقتى تۇردە ءوسىپ كەلەدى

«بايتەرەك» ۇلتتىق حولدينگىنىڭ ەنشىلەس كومپانياسى – تۇرعىن ءۇي قۇرىلىس جيناق بانكى حالىققا جوسپارداعىدان 163%-عا ارتىق كرەديت بەردى.

2014 جىلى تۇرعىن ءۇي قۇرىلىس جيناق بانكى حالىققا كرەديت بەرۋ جوسپارىن 163 %-عا ارتىق ورىندادى. جىلجىمايتىن مۇلىك ساتىپ الۋعا سالىمشىلار العان زاەمنىڭ جالپى سوماسى 97 ملرد. 826 ملن. تەڭگە بولدى. وتكەن جىلى تۇرعىن ءۇي قۇرىلىس جيناق بانكىنەن 17 645 ادام ۇلتتىق ۆاليۋتادا كرەديت العان.

قر ۇلتتىق بانكىنىڭ مالىمەتتەرى بويىنشا، 2014 جىلى ەكىنشى دەڭگەيلى بانكتەر 294 ميلليارد 980 ميلليون تەڭگە كرەديت بەرگەن. ونىڭ 33% نەمەسە 97 ميلليارد 826 ميلليون تەڭگەسى قتقجب كليەنتتەرىنە بەرىلگەن. 01.01.2015 ج. جاعداي بويىنشا، قۇرىلىسقا جانە ءۇي ساتىپ الۋعا ارنالعان ەكىنشى دەڭگەيلى بانكتەردىڭ كرەديت قورجىنى 991 ملرد. 663 ملن. تەڭگە بولدى. ونىڭ ىشىندە قتقجب-نىڭ ۇلەسى – 20,6% نەمەسە 203 ملرد. 793 ملن. تەڭگە. بۇل مالىمەتتەر تۇرعىن ءۇي قۇرىلىس جيناق بانكى زاەمدارىنىڭ جىل وتكەن سايىن حالىققا قاجەت بولىپ كەلە جاتقانىن كورسەتەدى.

39,9% ۇلەسپەن، حالىقتىڭ ۇزاق مەرزىمدى سالىمدارىن تارتۋ بويىنشا دا قتقجب جەتەكشى ورىنعا يە بولىپ وتىر. 2014 جىلى 178 986 تۇرعىن ءۇي قۇرىلىس جيناق شارتى جاسالدى. بۇل 2013 جىلعى كورسەتكىشكە قاراعاندا 68%-عا كوپ. 2015 جىلدىڭ 1 اقپانىندا قتقجب سالىمشىلارىنىڭ جيناق اقشاسى 252 ملرد. تەڭگەگە جەتتى.

بانك «قولجەتىمدى تۇرعىن ءۇي–2020» باعدارلاماسىن جۇزەگە اسىرۋ قارقىنىن تومەندەتكەن جوق. بانكتىڭ ءباسپاسوز قىزمەتىنىڭ حابارلاۋىنشا، قتقجب – باعدارلامانىڭ «جاس وتباسىعا ارنالعان تۇرعىن ءۇي» جانە «حالىقتىڭ بارلىق ساناتىنا ارنالعان تۇرعىن ءۇي» اتتى ەكى باعىتىنىڭ وپەراتورى. وتكەن جىلدىڭ قورىتىندىسى بويىنشا، جالپى اۋدانى 429,3 مىڭ شارشى مەتر بولاتىن تۇرعىن ءۇي (باعدارلامادا قاراستىرىلعانداي، ورتا ەسەپپەن العاندا، تۇرعىن ءۇيدى پايدالانۋعا بەرۋدىڭ جىلدىق جوسپارى – 300 مىڭ شارشى م.) نەمەسە 7 033 پاتەر پايدالانۋعا بەرىلگەن.

تۇرعىن ءۇي قۇرىلىس جيناق بانكىنىڭ ايتۋىنشا، 2015 جىلى تەڭگەلەي زاەم بەرۋ جۇمىستارى بەلسەندى تۇردە قولعا الىنباق. بانك بولاشاقتا دا ۇلتتىق ۆاليۋتامەن كرەديت بەرۋ كولەمىن ارتتىرۋعا نيەتتى. «بانكتىڭ بارلىق اكتيۆتەرى – تەڭگەدە، مىندەتتەمەلەرگە دە ۇلتتىق ۆاليۋتادا قىزمەت كورسەتىلەدى»، – دەيدى بانك وكىلدەرى. سوندىقتان تۇرعىن ءۇي قۇرىلىس جيناق جۇيەسى تۇراقتى. ۆاليۋتا باعامى وزگەرىستەرىنىڭ اسەرى جوق.

ەستەرىڭىزگە سالا كەتسەك، «قازاقستاننىڭ تۇرعىن ءۇي قۇرىلىس جيناق بانكى» اق – «بايتەرەك» ۇلتتىق باسقارۋشى حولدينگى» اق-نىڭ ەنشىلەس كومپانياسى. حولدينگ ەكونوميكانى دامىتۋ جانە ارتاراپتاندىرۋعا ىقپال ەتۋ، ينۆەستيتسيا تارتۋ، كلاستەرلەردى دامىتۋ جانە ونىڭ ەنشىلەس ۇيىمدارىندا كورپوراتيۆتىك باسقارۋ جۇيەسىن جەتىلدىرۋ ماقساتىمەن قۇرىلعان.

اباي-اقپارات.

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1576
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2272
عيبىرات

قايسار رۋحتى عازيز جان

مۇحتار قۇل-مۇحاممەد 3590