جۇما, 29 ناۋرىز 2024
قوعام 5188 0 پىكىر 24 اقپان, 2015 ساعات 01:16

پولكوۆنيكتىڭ اقىرى...

10 اقپان كۇنى تاڭەرتەڭ استاناداعى قورعانىس مينيسترلىگىنىڭ الدىندا 40 جاستاعى پودپولكوۆنيك ارمان سىزدىقوۆ كولىگىندە ءوز-ءوزىن جارىپ جىبەرگەن. قايتىس بولاردان بۇرىن اق قاعازعا نە ءۇشىن بۇلاي ىستەگەنى تۋرالى جازىپ كەتىپتى. تەرگەۋ بارىسىندا ايەلىنەن سۇراق جاۋاپ الىپ جاتىر. ارمان سىزدىقوۆقا تىكەلەي باستىقتارى قىسىم كورسەتكەن دەگەن الىپقاشپا اڭگىمە دە تارالىپ كەتتى.

ارادان ءبىر اپتا وتەر-وتپەستە، ياعني 17 اقپاندا الماتى وبلىسىنداعى اتىشۋلى № 55065 اسكەري ءبولىمى قارۋ-جاراقتاردى ساقتايتىن قويمانىڭ باستىعى پولكوۆنيك اباي مىرزابەكوۆ زەينەتكەرلىككە شىقاننان كەيىن، ءوز-ءوزىن تاپانشاسىمەن اتىپ تاستاعان. بارلىق تەلەارنالار جاڭالىقتاردان جاريالادى. وسى وقيعالار قولىما قالام الۋعا يتەرمەلەدى.

شەكاراشىلاردىڭ اتىشۋلى «ارقانكەرگەن» وقيعاسى، ۇقق ينستيتۋتىنىڭ باستىعى گەنەرال ەسەتوۆتىڭ ءوز-ءوزىن اتىپ تاستاۋى، بۇكىل شەكاراشىلاردىڭ باستىقتارى پولكوۆنيك ستامبەكوۆتىڭ ۇشاقتا كەتىپ بارا جاتىپ جارىلىپ كەتۋى، سول ستامبەكوۆتىڭ ورنىنا كەلگەن گەنەرال-مايور نۇرلان جولامانوۆتىڭ پارامەن ۇستالۋى ادامدى سان قىرلى ويلارعا جەتەلەيدى. باسىنان باقايشاعىنا دەيىن سىبايلاس جەمقورلىققا بەلشەسىنەن باتقان شەكاراشىلارعا ءجونى ءتۇزۋ باستىق بۇيىرمادى-اي. ول جەردە دە رۋعا، جۇزگە ءبولىنۋ ەتەك العان. ءار ءتۇرلى كلاندار ءبىر-بىرىمەن بيلىككە تالاسىپ، قاقتىعىسىپ جاتقانى ايدان انىق. وسى سالادا №55065 اسكەري ءبولىمنىڭ بۇرىنعى باستىعى پولكوۆنيك اسقار بۇلكەشوۆ 8 جىلعا باس بوستاندىعىنان ايىرىلعان، بۇگىندە تەمىر توردا جازاسىن وتەپ جاتىر. تاعى ءبىر گەنەرال باعدات مايكەەۆ 7 جىلعا سوتتالعان.

جالپى، سوڭعى كەزدەگى ەلىمىزدىڭ قورعانىس سالاسىندا ءبىر شيكىلىكتىڭ بار ەكەندىگى انىق، اسكەريلەردىڭ ءوز-وزدەرىنە قول جۇمساۋلارى جاقسىلىقتىڭ نىشانى ەمەس. اسكەرگە جاڭا كەلگەن جاۋىنگەرلەر، بۇرىن كەلگەندەردەن تاياق جەپ شىداماي، اسىلىپ-اتىلىپ قالاتىنى - قالىپتى جاعداي. ەندى كەلىپ ءبىر پولكتى باسقاراتىن پولكوۆنيكتىڭ ءوز-وزىنە قول جۇمساۋى  - بارىپ تۇرعان سوراقىلىق. ايتپەسە، بىلەمىز عوي پولكوۆنيكتىڭ ءومىرى قانداي بولاتىنىن. نە جەيمىن دەسە الدىندا، نە كيەمىن دەسە ۇستىندە، جاسارىن جاسادى، اسارىن اسادى. ەندى تەك وزىنەن كەيىنگى شەنى تومەن وفيتسەرلەردى جۇمساپ، باس-كوز بولىپ وتىرسا بولعانى. ونىڭ ءوزىن اتقارا الماي، جەر-جاھانعا سىيماي جاتقانى جۇرەگىڭدى اۋىرتادى. ايدىڭ-كۇننىڭ امانىندا، ەل امان، جۇرت تىنىشتا، بۇلارعا نە كورىنگەن؟ ءبىلىم-عىلىم دامىعان زاماندا ءومىر ءسۇرىپ جاتىرمىز، جانىڭا نە كەرەك، ءبارى بار.

اسكەري ءومىردىڭ تار جول، تايعاق كەشۋىن سانالى تۇردە مويىنداپ، قىزمەت اتقارامىن دەپ انت بەرىپ، قىزمەت ەتۋى ءتيىس. ولارعا وتان الدىنداعى بورىشىن وتەسىن دەپ بالالارىمىزدى سەنىپ تاپسىرامىز، ال ولار بولسا ءوز-وزدەرىنە قول جۇمساپ جاتىر.

سول پولكوۆنيكتەر تاريحتان بەيحابار ما دەگەن وي كەلەدى، ايتپەسە بابالارىمىز بۇقار جىراۋ «وتان ءۇشىن جان پيدا، جاۋىڭنىڭ جاعاسىنا جارماسىپ ءول»، ماحامبەتتىڭ «ەرەۋىل اتقا ەر سالماي، ەرلەردىڭ ءىسى بىتەر مە؟» دەگەن سياقتى تولىپ جاتقان عيبراتتى سوزدەرى جەتەرلىك.

اسقار تاۋ عارىپ ەمەس پە؟

ايدىندى كولى بولماسا.

كول دە عارىپ ەمەس پە؟

قاز-ۇيرەك كەلىپ قولباسا.

اعاش عارىپ ەمەس پە؟

ماۋەسى ءوسىپ تۇرماسا.

ەركەك عارىپ ەمەس پە؟

بەلگىلى ەلى بولماسا.

ەل دە عارىپ ەمەس پە؟

بەلگىلى بەلگە قونباسا.

بويجەتكەن عارىپ ەمەس پە؟

ءبىر جىگىتتى قاراتا الماسا.

ەر جىگىت عارىپ ەمەس پە؟

بايگەدە جۇلدە الماسا، -

دەگەن بابالاردىڭ اماناتىن اقتاي الماي جۇرگەنىمىز وكىنىشتى-اق...

جۇمامۇرات ءشامشى.

اباي.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1576
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2272
عيبىرات

قايسار رۋحتى عازيز جان

مۇحتار قۇل-مۇحاممەد 3588