سەيسەنبى, 26 قاڭتار 2021
قوعام 4493 0 پىكىر 26 اقپان, 2015 ساعات 11:08

ۇسەنوۆتەر. سۋ جاڭا وتباسىلىق «وقيعا»

قازاقستانداعى ەڭ تانىمال اۋلەتتەر قاتارىنا جاتاتىن ۇسەنوۆتەر وتباسىنا قاتىستى تاعى دا شۋ شىقتى. «NewTimes.kz» اقپارات اگەنتىگىنىڭ حابارلاۋىنشا، بۇل جولعى داۋ وسى وتباسى يەلىگىندەگى «ينجەنەرنو-سترويتەلنايا كومپانيا «يۋگسانتەح سەرۆيس» جشس-نا قاتىستى تۋىنداپ وتىر.

ماسەلەنىڭ ءمانىسى مىنادا: الماتى قالاسىنىڭ تۇرعىنى دينا ساۋرىقوۆا ءوز قۇقىنىڭ اياققا تاپتالعانىن ايتىپ، سوتقا ارىزدانعان. ارىزدانۋشى الماتىلىق ەكى قۇرىلىس كومپانياسىن جەكە مەنشىكتەگى جەر تەلىمىن زاڭسىز يەلەنىپ، قۇرىلىس جۇمىستارىن جۇرگىزىپ جاتىر دەپ ايىپتايدى. قازىرگى كۇنى قالانىڭ ءسۇيىنباي داڭعىلىنىڭ بويىندا جۇرگىزىلىپ جاتقان قۇرىلىس جۇمىستارى بىرنەشە ۇلەسكەردىڭ مەنشىگى بولىپ تابىلاتىن جەر تەلىمىنە زاڭسىز جوبالانعان. جوبانى قولعا العان كومپانيالار ءىستى جەردىڭ ناقتى يەسىنىڭ ءبىرى بولىپ تابىلاتىن دينا ساۋرىقوۆادان ەشقانداي رۇحسات الماستان جۇرگىزە بەرگەن. كومپانيا باسشىلىعىنا جاساعان ەسكەرتۋىنەن ەشقانداي ناتيجە كورمەگەن دينا حانىم اقىرى سوتقا شاعىم تۇسىرگەن. وقيعانىڭ قىزىعى وسى جەردە: جەر تەلىمىن زاڭىز يەلەنىپ وتىرعان ەكى سەرىكتەستىك: «اسارسترويسەرۆيس» جانە «ينجەنەرنو-سترويتەلنايا كومپانيا «يۋگسانتەح سەرۆيس» كومپانيالارىنىڭ سوڭعىسى... ۇسەنوۆتەر وتباسىنىڭ مۇشەسىنە ءتيىستى ەكەندىگى بەلگىلى بولادى. اڭگىمەنىڭ ءارىسى تىپتەن قىزىق: سوت ازاماتشا ساۋرىقوۆانىڭ ارىزىن قاراۋدان باس تارتادى. سەبەبى...

ازاماتتىق قۇقى اياق استى بولعان دينا بولسا بۇل ءىستىڭ ارتىندا ۇسەنوۆتەر تۇرعانىن ايتىپ، بۇقارالىق اقپارات قۇرالدارىنان اراشا سۇراۋعا ءماجبۇر بولىپتى...

ەندى «ينجەنەرنو-سترويتەلنايا كومپانيا «يۋگسانتەح سەرۆيس» جشس-نا ورالايىق. بۇل سەرىكتەستىكتىڭ ماقسات ۇسەنوۆتىڭ اپكەسىنىڭ اتىنا تىركەلگەن، قۇرىلىس نارىعىندا جۇمىس ىستەپ كەلە جاتقان اجەپتاۋىر كومپانيا ەكەنى جاسىرىن ەمەس. ونىڭ ۇستىنە ماقسات ۇسەنوۆتى اتاق-داڭقتىڭ اسقارىنا شىعارعان جول-كولىك وقيعاسىنىڭ ءبىرى اتالعان كومپانياعا ءتيىستى اۆتوكولىكتىڭ قاتىسۋىمەن ورىن العان بولاتىن. ول وتكەن جىلدىڭ قاراشا ايىندا ماقسات مىرزانىڭ تاقىمىندا اپاتقا ۇشىراعان ا078 VP ءنومىرلى «Mercedes» ەدى...

 

Abai. kz

0 پىكىر