جۇما, 29 ناۋرىز 2024
بيلىك 4460 0 پىكىر 20 ناۋرىز, 2015 ساعات 15:24

ق.كوشەرباەۆ: مەكتەپتەر الەۋمەتتىك جاڭالىقتارعا اشىق بولۋى قاجەت

قىزىلوردا  وبلىسى اكىمى ق.ە. كوشەرباەۆتىڭ «مازمۇندى جاڭارتۋ جاعدايىنداعى ءبىلىم بەرۋ ورتاسىنىڭ ترانسفورماتسياسى» رەسپۋبليكالىق سەمينار-كەڭەسىندە سويلەيتىن سوزىنەن ءۇزىندى

 

مالىم – جانىمنىڭ ساداعاسى، جانىم – ارىمنىڭ ساداعاسى. 

ۇلكەنگە قۇرمەت، كىشىگە ىزەت.

وتكەنگە سالاۋات، ەرتەڭگە امانات.    

مۇنىڭ بارلىعى قازاقتىڭ ءومىر ءسۇرۋ پرينتسيپتەرىن، دۇنيەگە، ۋاقىتقا دەگەن كوزقاراسىن ايقىندايتىن كيەلى قاعيدالار. ءبىزدى ۇلت رەتىندە ساقتايتىن، اقپارات تاسقىنى مەن عالامدانۋ كۇشىنە توتەپ بەرە الاتىن وسىنداي تەمىرقازىق ۇستانىمداردى بالا ساناسىنا ءسىڭىرۋ قاجەت.                

سونىمەن قاتار، ادامزاتقا جات قاتىگەزدىك، ماسىلدىق پەن مەنمەندىك، ەرىنشەك مىنەزدەن بويدى تاسالاپ، مەيىرىمدىلىك، ەلگەزەكتىك، قاراپايىمدىلىق سياقتى كىمگە بولسا دا جاراساتىن قاسيەتتەردى بالا بويىنا دارىتۋ كەرەك.

سىر ءوڭىرىنىڭ مەكتەپتەرى شىن مانىندە زامان تالابىنا ساي ءبىلىم ورتاسىنا اينالۋى ءۇشىن نە ىستەلۋى قاجەت؟

بىرىنشىدەن، مەكتەپتە ساپاسى جوعارى جانە قازىرگى ۋاقىتتا قولدانبالى ءبىلىم بەرىلۋى ءتيىس. ەڭ ۇزدىك جانە ارتتا قالعان وقۋشىلار اراسىنداعى ايىرماشىلىقتى مەيلىنشە قىسقارتۋ كەرەك.

ەكىنشىدەن، مەكتەپتىڭ ماقساتى بالانى تەك وقىتۋ عانا ەمەس، قازىرگى زاماندا ءوز ورنىن تاۋىپ، باسەكەلەستىكتە ءومىر سۇرە الاتىن تۇلعا تاربيەلەۋ بولۋى شارت;

ۇشىنشىدەن، مەكتەپتەگى مۇعالىمنىڭ بىلگىن ۇدايى كوتەرۋ جانە ولاردىڭ شىعارماشىلىق جۇمىسىنا جاعداي جاساۋ باستى نازاردا بولۋى ءتيىس.

تورتىنشىدەن، مەكتەپتەر ەلىمىز بەن دۇنيەدە بولىپ جاتقان الەۋمەتتىك جاڭالىقتارعا اشىق بولۋى قاجەت. 

وسى رەتتە، قىزىلوردا وبلىسى مەملەكەت باسشىسىنىڭ تاپسىرماسىن ورىنداۋ اياسىندا وڭىرلىك يننوۆاتسيالىق مەكتەپتەر جەلىسىن قۇرۋ جوباسىن قولعا الماق. اتالعان جوبا شەڭبەرىندە وبلىس اۋداندارىندا ەكىدەن جانە قىزىلوردا قالاسىندا 6 مەكتەپ ىرىكتەلىپ، «نازارباەۆ زياتكەرلىك مەكتەپتەرىنىڭ» تاجىريبەسىن ەنگىزۋ الاڭى رەتىندە دامىتىلادى.

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3563