سەنبى, 19 قىركۇيەك 2020
COVID-19 قازاقستاندا. جۇقتىرعاندار — 107199. جازىلعاندار — 101822. قايتىس بولعاندار — 1671
ايتقىش ەكەن 3617 0 پىكىر 26 ناۋرىز, 2015 ساعات 20:22

"ورتاق ۆاليۋتا" جانە مولدانىڭ ارتى

باياعىدا ءبىر دۇمشە مولدا ۇلكەن جيىندا بايقاماي "تارس" ەتكىزىپ قويىپتى. كەشە عانا "مولدەكە، مولدەكە" دەپ قۇراق ۇشقان جۇرت ەندى ونى "وسىراق مولدا" دەپ ءاجۋالاپ، سۋىق كوزقاراس تانىتا باستايدى. ىشتەي قورلانعان مولدا بالا-شاعاسىن الىپ، الىس جاققا ءبىر تۇندە كوشىپ كەتەدى. اراعا 20 جىل ۋاقىت سالىپ، ەلگە ورالۋدى كوزدەيدى. "الدىمەن مەن بارىپ ءبىلىپ كەلەيىن. كەلەڭسىز جايتتى ەل ۇمىتقان شىعار" دەپتى دە، مولدەكەڭ جولعا شىعادى. اۆتوبۋس ىشىندە اۋىلعا كەتىپ بارا جاتقان جاستار كوپ ەكەن. سۇراستىرسا، ءبارى ءوزى تانيتىن ادامداردىڭ بالالارى. "سەندەر قاي جىلعى بولاسىڭدار؟" دەپ سۇراپتى مولدەكەڭ. "وسىراق مولدا اۋىلدان كوشكەن جىلى تۋىپپىز" دەيدى جاستار ءبىر اۋىزدان. مولدانىڭ ءىشى قىلپ ەتە قالادى. ونى بايقاتپاي، ارى كەتە بەرەدى. اۋىلعا كىرە بەرىستە ۇلكەن ەتىپ مەشىت سالىنىپتى. ىشىنە كىرىپ، دارەت الىپ، قازا بولعان نامازدارىن تۇگەندەپ بولعاسىن، سول جەردەگى يمامنان: "بۇل مەشىت قاشان سالىنعان؟" دەپ سۇراپتى. "وسىراق مولدا اۋىلدان كوشكەسىن، 3 جىلدان كەيىن سالىنعان" دەپتى يمام. سودان، مولدەكەڭ اۋىلدىڭ ىشىنە ەلەۋسىزدەۋ كىرىپ كەلىپتى. انانداي جەردە ەكى اتتىلى كىسى داۋلاسىپ تۇر ەكەن. اقىرىنداپ، اڭگىمەسىنە قۇلاق ءتۇرىپتى. "قايداعىنى ايتپا! بۇل بيەم - وسىراق مولدا اۋىلدان كوشكەسىن 12 جىلدان كەيىن تۋعان قۇلىن عوي! وزىمدىكى!" دەپتى بىرەۋى. "جو-جوق! بۇل مەنىڭ بيەم! وسىراق مولدا اۋىلدان كوشكەسىن، تۋرا 10 جىل وتكەندە جيرەنبيە قۇلىنداعان. سەنبەسەڭ، ەنەسى دە تانيدى..." 
سودان مولدەكەڭ الدى-ارتىنا قاراماستان، كەلگەن جاعىنا تايىپ تۇرىپتى. ۇيىنە كەلسە: "قالاي، ەل ۇمىتىپ پا؟" دەپ سۇراپتى ايەلى. "قايداعى ۇمىتقان؟! وسى كۇنى ول اۋىلدا مەنىڭ كو...م كالەندار بوپ كەتىپتى!" دەپتى كۇيىنگەن مولدا. 
سول ايتپاقشى، بيىلعى جىل ايتەۋىر، "ورتاق ۆاليۋتانىڭ" كالەندارىنا اينالماسا يگى ەدى!)))
پىسى: مولدالاردان الدىن-الا كەشىرىم سۇرايمىن!))

 

توقتار جاقاش.

(جازبا اۆتوردىڭ facebookتەگى پاراقشاسىنان الىندى)

0 پىكىر