جۇما, 29 ناۋرىز 2024
46 - ءسوز 7350 0 پىكىر 1 ءساۋىر, 2015 ساعات 22:52

اقپاراتتىق مايداندا نە ءىس تىندىردىق؟

كەشە سارىارقاداعى كينوپاركتەن "سنايپەر" (American Sniper) ءفيلمىن كورىپ قايتتىق. 160 ادامدى (بيرەسمي 255) جەر جاستاندىرعان ادامدى دارىپتەۋ دۇرىس ەمەس دەرسىز. بىراق امەريكالىق تۇرعىدا ول - قاھارمان. فيلمنەن امەريكالىق ءپاتريوتيزمنىڭ بيىك ۇلگىسىن كوردىم. كينو عوي دەي سالۋعا بولادى. بىراق كريس كايل ەسىمدى "تەڭىز مىسىعى" شىنىمەن بۇل ومىردە بولعان مەرگەن. ول ءوز مايدانداسىنىڭ قولىنان قازا تاپقان كەزدە امەريكا جۇرتىنىڭ قالاي قايعىرعانىن كوردىم (جاڭالىقتار مۇراعاتتارىن قاراپ). تارازداعى تەراكتى كەزىندە ءوزىن قۇربان ەتكەن عازيز بايتاسوۆتى سولاي جوقتاي الدىق پا؟ ەسىمە الدىم، امەريكالىقتارمەن سالىستىردىم... جوق. ءبىز جوقتاماق تۇگىلى، ءمان دە بەرمەگەن سياقتىمىز. 
امەريكالىق ارمانعا شىن سەنەتىن، ەلىن سۇيەتىن، جۇرتىن سۇيەتىن، ەلىنىڭ، حالقىنىڭ، ءوز وتباسىنىڭ قاۋىپسىزدىگىن باستى ورىنعا قويعان كريس كايلدىڭ ءبىر ءسوزى ۇنادى. ول "تەرروريستەردى قۇرتپاساق، ولار دەترويت پەن چيكاگوعا، سەنىڭ جانە مەنىڭ ۇيىمە جەتەدى. وتباسىلارىمىزعا قاۋىپ توندىرەدى", - دەيدى. مىڭ جەردەن ساياسات، امەريكا ءوزى ۇيىمداستىرعان سوعىس، ت.ب. دەسەك تە، قاراپايىم ازامات رەتىندەگى ونىڭ ءسوزى شىندىق.
مىسالى، ءبىزدىڭ قايسىمىز، سيريا مەن يراكتاعى يشيم مەنىڭ ەلىمە، مەنىڭ وتباسىما قاۋىپ ءتوندىرۋى مۇمكىن دەپ وتىرمىز؟ ايتپايدى ەمەس، ايتىپ تا جۇرگەن شىعارمىز... بىراق سول قاۋىپتىڭ بەتىن الۋ ءۇشىن نە ىستەپ جاتىرمىز؟ وسى فب-دا وتىراتىن قالىڭ جۋرناليستەر يشيم-گە قارسى قارۋ الىپ قارسى شىقپاساق تا، اقپاراتتىق مايداندا نە ءىس تىندىردىق؟
ءفيلمدى كورىپ وتىرىپ، ءبىزدىڭ اڭگىمە بوس ساندىراق ەكەنىن ۇقتىم. ەشتەڭە ويلاپ تابۋدىڭ قاجەتى جوق. يدەولوگيامىزدىڭ باستى باعىتى ەتىپ ەشقاشان ەسكىرمەيتىن، ساتىلمايتىن قۇندىلىق - سەزىمدى، ماحابباتتى الۋىمىز كەرەك شىعار. بىردەن وتاندى ءسۇي دەپ قيناماي، ءوزىڭدى ءسۇي، وتباسىڭدى ءسۇي، جۇمىس ورنىڭدى ءسۇي، مەنشىگىڭدى ءسۇي، كورشىڭدى ءسۇي، سونى قورعا، (ابايدىڭ ءۇش ءسۇيۋى كەرەمەت قۇرال) سەن وسسەڭ ەلىڭ دە وسەدى، سەن وشسەڭ ەلىڭ دە وشەدى، ەلىڭنىڭ بولاشاعى سەنىڭ قولىڭدا دەپ تاربيەلەۋ كەرەك شىعار. سوندا ارقايسىمىزدىڭ ىشكى ەگولارىمىز جيىلىپ كەلىپ، وتانعا دەگەن ورتاق ەگو بولار. 
ءبىر انىعى - كەز-كەلگەن يگى يدەولوگيا جەمقورلىق بار جەردە تۇل. بۇل ەندى تاۋسىلمايتىن تاقىرىپ.
ءوز ويىم وزىمدىكى. 

جومارت ايتقازى.

(جازبا اۆتوردىڭ facebookتەگى پاراقشاسىنان الىندى).

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1584
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2284
عيبىرات

قايسار رۋحتى عازيز جان

مۇحتار قۇل-مۇحاممەد 3624