جۇما, 29 ناۋرىز 2024
بيلىك 6259 0 پىكىر 9 ءساۋىر, 2015 ساعات 07:42

ەلباسى جولداۋى جارقىن جولعا باعدار سىلتەيدى

ەلباسى نۇرسۇلتان نازارباەۆ قازاقستان حالقىنا ارنالعان ءداستۇرلى جولداۋىن وتكەن جىلى تاۋەلسىزدىك كۇنى قارساڭىندا جاريا ەتكەن بولاتىن. «نۇرلى جول – بولاشاققا باستار جول» اتتى بۇل جاڭا جولداۋى الەمدە ورىن الىپ وتىرعان ءتۇرلى ساياسي ءارى ەكونوميكالىق قيىندىقتار كەزىندە دەر ۋاقىتىندا جاريالانعان جولداۋ بولىپ تابىلادى.

ەلباسىمىزدىڭ بيىلعى جولداۋىندا الدىمەن مەملەكەتىمىزدىڭ، ۇلتتىق ەكونوميكامىزدىڭ، ازاماتتىق قوعامىمىزدىڭ، قوعامدىق كەلىسىمىمىزدىڭ، وڭىرلىك كوشباسشىلىعىمىز بەن حالىقارالىق بەدەلىمىزدىڭ داعدارىستا سىنالۋى ءسوز بولدى.

ەڭ باستىسى، بۇدان بۇرىنعى قول جەتكىزىلگەن ناتيجەلەر سارالانىپ، ەندى وسىدان سوڭ تىڭ مىندەتتەرگە باعىت بەرىلىپ، سونى جۇزەگە اسىرۋعا بار كۇش-جىگەر جۇمىلدىرىلماق. ۇلتتىق قوردان 2015, 2016, 2017 جىلدارعا، ءار جىل سايىن ءۇش ميلليارد دوللاردان قارجى قۇيىلۋى سونىڭ بەرىك كەپىلدىگى ىسپەتتەس.

«مەن ۇلتتىق قوردان 2015-تەن 2017 جىلعا دەيىنگى كەزەڭگە جىل سايىن قوسىمشا 3 ميلليارد دوللارعا دەيىن ءبولۋ جونىندە شەشىم قابىلدادىم. ۇكىمەتكە ءبىر اپتا مەرزىمدە ۇلتتىق قوردان قارجى ءبولۋ ءۇشىن ءتيىستى شەشىم دايىنداۋدى جانە 2015 جىلعا ارنالعان رەسپۋبليكالىق بيۋدجەت جوباسىندا قاجەتتى قارجىلاردى ەسكەرۋدى تاپسىرامىن. سونداي-اق، ۇكىمەت قاجەتتى شارالار قابىلداپ، وسى قارجىلاردىڭ ءتيىمدى ءارى وڭتايلى پايدالانىلۋىن قامتاماسىز ەتۋى كەرەك»، - دەگەن ەدى ەلباسى ءوز جولداۋىندا.

سونىمەن قاتار مەملەكەت باسشىسىنىڭ اسىرەسە الەۋمەتتىك سالاداعى ەكى-ءۇش اۋىسىمدى مەكتەپتەردى جويۋ، بالاباقشانى كوبەيتۋ جانە تاعى باسقا ماقساتتاردىڭ حالىق كوڭىلىنەن شىعىپ، قولداۋ تابارى ءسوزسىز. ۇلتتىق قوردان 2015-2016 جىلدارعا 180 ميلليارد تەڭگە قارجىنىڭ جاس وتباسىلار مەن پاتەرگە مۇقتاج ادامدارعا ءۇي سالۋعا بولىنەتىندىگى دە حالىقتى ءبىر قۋانتىپ تاستادى. قر پرەزيدەنتى ءوز جولداۋىندا، «مەملەكەت الەۋمەتتىك جالدامالى باسپانانى سالىپ، ونى تۇرعىندارعا ساتىپ الۋ قۇقىن بەرە وتىرىپ، ۇزاق مەرزىمدى جالعا ۇسىنادى. باسپانانى تىكەلەي، دەلدالدارسىز جانە نەسيەگە بارىنشا تومەن پايىزبەن ۇسىنۋ ونىڭ ساتىپ الۋ قۇنىن ارزانداتۋعا مۇمكىندىك بەرەدى. باستاپقى جارنانىڭ بولماۋى مەن يپوتەكا ءۇشىن تومەن پايىزدار باسپانانى قازاقستاندىقتاردىڭ كوپتەگەن جىكتەرى ءۇشىن قولجەتىمدى ەتە تۇسەدى. سوندىقتان 2015-2016 جىلدار ىشىندە جالعا بەرىلەتىن تۇرعىن ءۇي قۇرىلىسىن قارجىلاندىرۋدى قوسىمشا 180 ميلليارد تەڭگە سوماسىندا ۇلعايتامىز»، - دەگەن ەدى.

جولداۋدا ەلىمىزدىڭ جولدارى ەڭ نەگىزگى بايلانىس وزەگى بولعاندىقتان، نەگىزگى ايماقتاردى بايلانىستىراتىن اۆتوجولداردى جوندەۋ تۋرالى تاپسىرمالارعا دا ەرەكشە كوڭىل ءبولىندى.

جاستار مەن جوعارى ءبىلىم سالاسىنىڭ مەملەكەت نازارىنان تىس قالمايتىنىن ايرىقشا اتاپ كورسەتتى، جوعارى وقۋ ورىندارى تەك عىلىم-ءبىلىم عانا ەمەس، سونىمەن قاتار جاڭا يننوۆاتسيالاردىڭ ورداسى بولىپ، وتانىمىزدىڭ ەكونوميكالىق-الەۋمەتتىك دامۋىندا مەملەكەتكە قولعابىس تيگىزۋى ءتيىس. سونىمەن قاتار قاي ءىستىڭ دە التىن دىڭگەگى – جوعارى ساپالى كادرلار قۇرامى. بۇل ورايدا ن.نازارباەۆ قازىر ءوزىن-ءوزى جان-جاقتى اقتاعان «بولاشاق» باعدارلاماسىن ودان ءارى جەتىلدىرىلىپ، وركەن جاياتىنىن ايتىپ، ەل جاستارىنىڭ سەنىمىن نىعايتتى.

وتانىمىزدىڭ يگىلىگى ءۇشىن، ءوسىپ-وركەندەۋىنە ءاربىر ازاماتتىڭ، ونىڭ ىشىندە مەملەكەتتىك قىزمەتكەرلەردىڭ دە قوسار ۇلەسى زور ەكەنىن، مەملەكەتتىڭ گۇلدەنۋى جانە الەمدىك دەڭگەيدەگى ورنىنىڭ جوعارى تۇرۋىنا بار كۇش-جىگەرىمىزدى سالىپ، جۇمىس ىستەۋىمىز كەرەك ەكەنىن ناقتىلاپ ايتتى. 

ەلباسى جولداۋىنا سايكەس، قازاقستانداعى ساياسي-ەكونوميكالىق، الەۋمەتتىك جاڭارتۋلار جالعاسىن تابادى. بۇل دەگەنىڭىز تاعى دا وتانىمىزدىڭ نىق تۇرعانىن باسا كورسەتىپ، ونىڭ تىنىشتىعى مەن تۇراقتىلىعىنا، ىرگەسىنىڭ بەرىكتىگىنە، بەيبىت  ومىرىنە كەپىلدىك بەرىلەتىنىنە ەل سەنىمىن نىعايتتى.

ءشارىپحان قايسار

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3563