جۇما, 29 ناۋرىز 2024
ەندى قايتتىك؟.. 6543 0 پىكىر 27 ءساۋىر, 2015 ساعات 07:56

الماتىدا تاعى دا ءورت. «ادەم» ساۋدا ءۇيى ورتەنىپ جاتىر

الماتى قالاسىندا تاعى ءبىر ءىرى ساۋدا ءۇيى ورتەنىپ جاتىر. «ادەم» دەپ اتالاتىن اۋماعى ات شاپتىرىم ساۋدا ءۇيى كەشە (26 ءساۋىر) كەشكى ساعات 21.30 شاماسىندا باستالعان. كورگەندەر باستاپقىدا ساۋدا ۇيىنەن ءتۇتىن شىعىپ جاتقانىن ايتادى. سودان كەيىن قاتتى جارىلىستار ەستىلگەن.

اتالعان ساۋدا ۇيىندە ساۋداگەرلەردىڭ جالعا العان نەمەسە ساتىپ العان دۇكەندەرى بار. الماتىلىقتار «ادەمدەگى» تاۋارلاردىڭ قىمبات ءارى ساپالى ەكەندىگىن جاقسى بىلەدى. ءبىر ساۋداگەردىڭ ول جەردە كەمىندە ءبىر، ەكى ميلليون تەڭگەدەن اساتىن زاتتارى بولۋى مۇمكىن. «ادەمدە» ميلليوندار ورتەلىپ جاتىر.

تۇننەن بەرى ءورت سوندىرۋشىلەر «ادەمنىڭ» اينالاسىندا ءجۇر. بىراق ءورتتى توقتاتا الار ەمەس.

سوڭعى ەكى-ءۇش جىلدىڭ شيرەگىندە الماتىداعى ساۋدا نۇكتەلەرى ءجيى وتقا ورانا باستادى. 2013 جىلى قىركۇيەك ايىندا «قۇلاگەر» بازارى ورتەنگەن بولاتىن، سوعان ءىلى-شالا «يالان» بازارىنان قىزىل جالىن لاپ ەتتى. 2014 جىلى كۇزدە «نيكولسكي» بازارىنان دا، ورتالىق كوتەرمە بازاردان دا ءورت شىقتى. بازارلاردىڭ ورتەنۋىن ماماندار «بازارلارداعى بۋتيك يەلەرى ەلەكتر توعىنىڭ قاۋىپسىزدىگىنە ءمان بەرە بەرمەيدى، ءورتتىڭ تۇتانۋىنا تىكەلەي سەبەپكەر – ەلەكتر كوزدەرى» دەگەندى ايتىپ كەلگەن. ەندى «ادەم» تۋرالى نە دەر ەكەن؟ «ادەم» - قارا بازارلاردا قاپتاعان ساۋدا ورىندارىنىڭ ءبىرى ەمەس، ول – ءوز الدىنا جەكە ورنالاسقان، قازىرگى زامانعا لايىقتى جابدىقتارمەن قامتىلعان جەكە عيمارات.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1581
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3610