الدىمەن استانانى ارالاپ وتكەن قۇرمەتتى كورتەج سونان سوڭ قازاق ەلى الاڭىنا بەتتەدى. الاڭدا تىزىلگەن اسكەري ساپتى قابىلداعان سوڭ تاۋەلسىزدىك سارايىنا بەتتەدى. ارتيللەريالىق وق اتۋ قۇرمەتى كورسەتىلدى.

تاۋەلسىزدىك سارايىنا قورعانىس قىزمەتى اسكەرلەرى مارش اۋەنىندە قازاقستان تۋى مەن كونستيتۋتسياسى جانە پرەزيدەنت شتاندارتى كىرگىزىلدى.

قاپتاعان حالىق الدىندا قر كونستيتۋتسيالىق كەڭەسى توراعاسى ي.روگوۆ قازاقستان قونستيتۋتسياسىنىڭ 42-بابىنا سايكەس انت بەرگەن ساتتەن باستاپ قازاقستان پرەزيدەنتى ءوز قىزمەتىنە كىرىسەتىنىن مالىمدەدى.

قازاقستان پرەزيدەنتى نۇرسۇلتان نازارباەۆ كونستيتۋتسياعا وڭ قولىن قويىپ تۇرىپ، قازاقستان حالقىنا مەملەكەتتىك تىلدە انت ەتتى. سودان سوڭ تىزە بۇگىپ، قازاقستان تۋىن ءسۇيدى.

ورتالىق سايلاۋ كوميسسياسى توراعاسى ق.تۇرعانقۇلوۆ نۇرسۇلتان نازارباەۆقا قر پرەزيدەنتى كۋالىگىن سالتاناتتى تۇردە تابىس ەتتى.

قازاقستان پرەزيدەنتى نۇرسۇلتان نازارباەۆ قازاقستان حالقىنا ارناپ ءسوز سويلەدى.

سودان سوڭ “قازاق ەلى” الاڭىندا قازاقستان قارۋلى كۇشتەرىنىڭ باس قولباسشىسى، قازاقستان رەسپۋبليكاسى پرەزيدەنتى، ەلباسى نۇرسۇلتان نازارباەۆقا قر قورعانىس ءمينيسترى يمانعالي تاسماعامبەتوۆ قازاقستان قارۋلى كۇشتەرىنىڭ سالتاناتتى شەرۋگە دايىن ەكەنىن مالىمدەپ، راپورت بەردى. شەرۋدى قابىلداعان ەلباسى اسكەرلەرمەن سالەمدەسكەن سوڭ، سالتاناتتى شەرۋ باستالدى.