«ەCىمدەر ەلىنە ساياحات»
جۋىقتا شىعىس قازاقستان وبلىسى ۇلان اۋدانىنا قاراستى گەراسيموۆكا ورتا مەكتەبىندە «ەسىمدەر ەلىنە ساياحات» تاقىرىبىندا دوڭگەلەك ۇستەل وتكىزىلدى. دوڭگەلەك ۇستەل وتىرىسىنا وبلىستىق تىلدەردى دامىتۋ جونىندەگى باسقارماسىنىڭ قىزمەتكەرلەرى، اۋداندىق ىشكى ساياسات، مادەنيەت جانە تىلدەردى دامىتۋ ءبولىمىنىڭ باس مامانى، وبلىستىق ادىلەت باسقارماسىنىڭ باس مامانى مەكتەپ مۇعالىمدەرى، وقۋشىلار، بۇقارالىق اقپارات قۇرالدارىنىڭ وكىلدەرى قاتىستى.
دوڭگەلەك ۇستەلدىڭ ماقساتى – ۇلتى قازاق ازاماتتاردىڭ تەگى مەن اكەسىنىڭ اتىن قازاقشا جازۋ تاجىريبەسىن قازاق حالقىنىڭ قالىپتاسقان تاريحي داستۇرلەرىنە سايكەس كەلتىرۋ بولدى.
دوڭگەلەك ۇستەل وتىرىسىن كىرىسپە سوزبەن شقو تىلدەردى دامىتۋ جونىندەگى باسقارماسىنىڭ ونوماستيكا جانە تالداۋ ءبولىمىنىڭ باسشىسى ر.تولەمىسوۆا قر پرەزيدەنتىنىڭ «ۇلتى قازاق ازاماتتاردىڭ تەگى مەن اكەسىنىڭ اتىن جازۋعا بايلانىستى ماسەلەلەردى شەشۋ تۋرالى» 1996 جىلعى 2 ساۋىردەگى جارلىعىمەن تانىستىرىپ، بەرىلگەن سۇراقتارعا جاۋاپ بەردى.
وسى كوتەرىلىپ وتىرعان ماسەلە بويىنشا وسكەمەن قالالىق ادىلەت باسقارماسىنىڭ باس مامانى س.ورالباەۆا «ادىلەت ورگاندارىندا ۇلتى قازاق ازاماتتارىنىڭ تەگى مەن اكەسىنىڭ اتىنىڭ قازاقشا جازىلۋى تۋرالى بايانداسا، اۋداندىق ىشكى ساياسات، مادەنيەت جانە تىلدەردى دامىتۋ ءبولىمىنىڭ باس مامانى س.جۇماتاەۆا ۇلتى قازاق ازاماتتاردىڭ تەگى مەن اكەسىنىڭ اتىن قازاقشا جازۋ تاجىريبەسىن قازاق حالقىنىڭ قالىپتاسقان تاريحي داستۇرلەرىنە سايكەس كەلتىرۋ ماسەلەسى بويىنشا تۇسىندىرمە جۇمىستارىن جۇرگىزدى.
سونداي-اق، «قازاق حالقىنىڭ ات قويۋ ەرەكشەلىكتەرى» تاقىرىبىندا گەراسيموۆكا ورتا مەكتەبىنىڭ مۇعالىمى ىرىسكەلدى قابدولدينا بايانداما جاسادى.
ب.مامارباەۆ،
«ۇلان اۋدانىنىڭ ىشكى ساياسات، مادەنيەت جانە تىلدەردى دامىتۋ ءبولىمى» مم باسشىسى.
شىعىس قازاقستان وبلىسى.
اباي-اقپارات.
