جۇما, 29 ناۋرىز 2024
ءسۇيىنشى! 6553 0 پىكىر 27 مامىر, 2015 ساعات 16:32

ستالين قۇلاعان كۇن

وقو تۇركىستان قالاسى جانىندا ورنالاسقان ەسكى يقان اۋىلىنداعى ستالين ەسكەرتكىشىن الىپ تاستادى.

بۇل اۋىلدا سوۆەت زامانىندا تۇرعىزىلعان ءستاليننىڭ تاس ءمۇسىنى 2014 جىلعا دەيىن تۇرعان. سول جىلى قاتتى داۋىل بولىپ، تاريحي ادىلدىكتى تابيعاتتىڭ ءوزى ورناتىپ، قىزىلداردىڭ قاندى قول كوسەمىنىڭ ەسكەرتكىشىن قۇلاتىپ كەتكەن ەدى. ستالين سول قۇلاعاننان تۇرماس ەدى... بىراق، قۇلدىق سانا ءوز دەگەنىن ىستەتتى! وتكەن اپتادا يقان اۋىلىنداعى باياعى قىزىلكوز بەلسەندىلىكتەرى ءالى دە سانالارىندا بىقسىپ جاتقان ءبىر توپ بۇرىنعى كوممۋنيستتەر ەسكەرتكىشتى قالپىنا كەلتىرىپ، ورناتىپ ۇلگەرگەن. الايدا، جەرگىلىكتى بيلىكتىڭ ارالاسۋىمەن بۇگىن ءستاليننىڭ تاس ءمۇسىنىن بولشەكتەپ تۇرىپ، الىپ تاستادى. بۇل حابار ەل ىشىنە لەزدە تاراپ، الەۋمەتتىك جەلى ارقىلى الاششىل ازاماتتار سۇيىنشىلەپ جاتىر.

بۇل جاڭالىق قىزىلكوز بەلسەندىلىكتىڭ  داۋرەنى وتكەنىن، زامان، قوعام، قازاق بالاسى جاڭارعانىن ەسكىگە، سونىڭ ىشىندە قازاققا قانقاساپ ۇلى قىرعىن جاساعان ستالينگە جانە وعان تابىنۋشىلارعا بۇگىنگى قازاقستاندا ورىن جوقتىعىن انىق كورسەتتى. دەمەك، وزگە ەلدەگى ستالينشىلەرگە دە جول جابىق!

وڭتۇستىك قازاقستان وبلىسىنداعى اتقامىنەر، قىزمەتتەگى الاششىل ازاماتتار جاراپ-اق تۇر! مۇنىڭ الدىندا جەگى قۇرتتاي قوعامدى كەمىرگەن، داۋعا ۇلاسقان گەورگي لەنتاسىنىڭ ورىنا ويۋلى كوك ءتۇستى ۇزىن لەنتانى شەرۋلەتىپ شىمكەنت كوشەسىمەن الىپ ءجۇرۋ ارقىلى وزگە ايماقتارعا تاعى دا ونەگە كورسەتىپ، رەسەيشىل توپتاردىڭ ساعىن سىندىرعان ەدى. ەندى، مىنە، ءستاليننىڭ ەسكەرتكىشىن قۇلاتتى. اتالعان ىستەر سىرت قاراعاندا، ءبىر وبلىستىڭ كولەمىندە عانا بولىپ جاتقان سىقىلدى كورىنگەنىمەن، بىلگەن جانعا مۇنىڭ استارىندا مەملەكەتتىك، ۇلتتىق ماڭىزى بار شارۋانىڭ اعىنى جاتىر.

وزگە ايماقتار مەن قالالار وڭستۇستىكتەن ۇلگى الار دەگەن ءۇمىت بار...

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2260
عيبىرات

قايسار رۋحتى عازيز جان

مۇحتار قۇل-مۇحاممەد 3541