جۇما, 29 ناۋرىز 2024
وسى عوي ەندى... 6103 0 پىكىر 28 مامىر, 2015 ساعات 10:05

«انتيگەپتيل» قوزعالىسىنىڭ بەلسەندىسى قاماۋعا الىندى

Abai.kz اقپاراتتىق پورتالىنىڭ ەلەكتروندى جاشىگىنە « ازماتتاردىڭ قاقىن قورعاۋشى، «انتيگەپتيل» قوزعالىسىنىڭ بەلسەندىسى – بولاتبەك ءبىلالوۆ قاماۋعا الىندى» دەگەن حابار كەلىپ ءتۇستى.

بولاتبەك ءبىلالوۆ ءوز ءۇيىنىڭ اۋلاسىندا تۇتقىندالىپ، استانا قالاسى ىشكى ىستەر باسقارماسىنىڭ عيماراتىنا جابىلعان. ازىرگە قوزعالىس بەلسەندىسىنە قانداي ايىپ تاعىلعانى بەلگىسىز. بەلسەندىمەن ەشكىم تىلدەسە دە العان جوق. الايدا، اتالعان قوزعالىس مۇشەلەرى ءبىلالوۆتىڭ قاماۋعا الىنۋىن بايتەرەك مونۋمەنتىنىڭ قاسىندا ءوتۋى ءتيىس قارسىلىق اكتسياسىمەن بايلانىستىرادى. «انتيگەپتيلشىلەر» بۇگىن كيىكتەردىڭ قىرعىنىنا بايلانىستى ەكولوگيالىق اكتسيا وتكىزۋدى جوسپارلاعان بولاتىن. سوڭعى دەرەكتەرگە قاراعاندا، اپاتقا ۇشىراعان كيىكتەردىڭ سانى 120 مىڭنان اسقان. تاياۋدا اتالعان قوزعالىس مۇشەلەرى مەملەكەت باسشىسىنىڭ اتىنا اشىق حات جاريالاپ، بايقوڭىردا ۇشىرىلىپ، كەزەكتى رەت قازاق جەرىنە قۇلاعان «پروتون» زىمىرانتاسىعىشى: «دالامىزعا ۋ سەۋىپ جاتىر. كيىكتەر قىرعىنانا بىردەن ءبىر سەبەپكەر سول» دەگەن بولاتىن.  

«كيىكتەر قىرعىنىنا گەپتيلدىڭ قاتىسى بار دەپ بىلەمىز. وسى جىلدىڭ 16-مامىرى كۇنى بايقوڭىردان ۇشقان رەسەيدىڭ «پروتون» زىمىرانى جەردەن كوتەرىلگەن سوڭ 500 سەكۋنتتان كەيىن اپاتقا ۇشىرادى.

ال، قر اۋىل شارۋاشىلىق مينيسترلىگىنىڭ رەسمي اقپاراتى بويىنشا، 17-مامىر كۇنى، ياعني زىمىران قۇلاعاننىڭ ەرتەسى،  بەتپاقدالاداعى "ىرعىز-تورعاي" تابيعي رەزەرۆاتىندا العاشقى 4 كيىكتىڭ ولىگى تابىلعان» دەيدى قوزعالىس مۇشەلەرى.

سونىمەن بىرگە، قوزعالىس مۇشەلەرى قاراعاندى وبلىسىنىڭ تۇرعىندارىنىڭ مالىمدەۋى بويىنشا، كيىكتەردىڭ جاپپاي قىرىلۋىنا  قاراعاندى وبلىسى بالقاش كولىنىڭ باتىسى مەن بەتپاقدالا اۋماعىن قامتىپ جاتقان سارىشاعان اسكەري-جاتتىعۋ پوليگونىندا جاسالعان سىناقتىڭ سەبەبى بولۋى ىقتيمال ەكەنىن مالىمدەگەن ەدى.

"بولاتبەك ءبىلالوۆتىڭ قاماۋعا الىنۋى كيىكتەردىڭ قىرىلۋىنا الاڭداعان «انتيگەپتيلدىڭ» اكتسياسىنا جول بەرمەۋ بولىپ تابىلادى", - دەيدى قوزعالىس بەلسەندىلەرى.

Abai.kz  

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2264
عيبىرات

قايسار رۋحتى عازيز جان

مۇحتار قۇل-مۇحاممەد 3553