بەيسەنبى, 28 ناۋرىز 2024
جاڭالىقتار 7331 0 پىكىر 28 مامىر, 2015 ساعات 15:08

موڭعوليا. ورتالىق الاڭعا قازاق باتىرىنىڭ ەسىمى بەرىلدى

ولگەي قالاسىنىڭ ورتالىق الاڭىنا ىكەي باتىر ءمازىمۇلىنىڭ اتى بەرىلدى دەپ حابارلايدى  

BAQ.kz سايتى.

بيىل موڭعوليادا موڭعول حالىق رەسپۋبليكاسىنىڭ باتىرى ىكەي ءمازىمۇلىنىڭ 100 جىلدىق مەرەي تويى اتالىپ وتپەك. وسىعان وراي بايان-ولگەي ايماقتىق ازاماتتار وكىلدەرى حۋرالىنىڭ 2015 جىلعى 14 مامىردا 80 ء–شى قاۋلىسى شىققان. مۇندا «...ولگەي قالاسىنىڭ ورتالىق الاڭىنا محر-نىڭ باتىرى ىكەي ءمازىمۇلىنىڭ اتى بەرىلسىن» - دەلىنگەن.

 

بۇدان بۇرىن، 2006 جىلى 16 تامىزدا موڭعوليا ۇكىمەتىنىڭ 193 ۇكىمى بويىنشا ولگەي قالالىق جالپى ءبىلىم بەرەتىن 1 ء–شى مەكتەپ ىكەي باتىر اتىمەن اتالعان. مەكتەپ اۋلاسىنا 1980 جىلى باتىر ەسكەرتكىشى ورناتىلعان بولاتىن.

ىكەي ءمازىمۇلى 1911 جىلى بايانولگەي ايماعىنىڭ بۇلعىن اۋدانىنىڭ ۇلاقشىن دەگەن جەرىندە دۇنيەگە كەلگەن. قوبدا قالاسىننان 1931 جىلى مۇعالىمدەر مەكتەبىن ءبىتىرىپ، 1934 جىلى استانا ۇلانباتىر قالاسىندا اسكەري مەكتەپتى تامامداپ، وفيتسەر بولىپ شىعادى. 1939 جىلى جاپونيا ميليتاريستەرى موڭعوليا جەرىنە حالحين عول بويىندا باسىپ كىرگەندە ءى.ميزامۇلى سوعىسقا ل.داندار باسقارعان 6-اتتى اسكەر ديۆيزياسىنىڭ 15-پولك كومانديرى رەتىندە قاتىسادى. ىكەيدىڭ ەرلىكتەرى «بوەۆوي پوست»، «زا رودينۋ» قاتارلى گازەتتەردە جازىلادى. «سوعىس قىزىل تۋ» وردەنىمەن ماراپاتتالادى. ول تۋرالى سوۆەت وداعى جانە موڭعوليا اسكەر باسشىلارىنىڭ ەستەلىك جازبالارى دا مول. 1939 جىلى 24 شىلدەدە ىكەي ءمازىمۇلى جاۋدىڭ قورعانىس شەبىن بۇزىپ كىرۋ بۇيرىعىن الادى. وسى شايقاستا ەرلىكپەن قازا تابادى. ىكەي باتىر ءمازىمۇلىنا وسى ەرلىگى ءۇشىن 1979 جىلى موڭعول حالىق رەسپۋبليكاسىنىڭ باتىرى اتاعى بەرىلگەن بولاتىن.

اباي-اقپارات 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3516