جۇما, 29 ناۋرىز 2024
جاڭالىقتار 4416 0 پىكىر 28 مامىر, 2015 ساعات 19:30

قازىر قازاقستان كوشباسشى مەملەكەت - ە.ساتانوۆسكي

پوستكەڭەستىك ەلدەر ىشىندە قازىر قازاقستان ەكونوميكاسى قارقىندى دامىعان، يندۋستريالىق-يننوۆاتسيالىق باعىتى ايقىن كوشباسشى مەملەكەت بولىپ تابىلادى، دەيدى VIII استانا ەكونوميكالىق فورۋمىنا قاتىسقان تاياۋ شىعىس ينستيتۋتىنىڭ پرەزيدەنتى (رەسەي) ەۆگەني ساتانوۆسكي. 

«مەن استاناعا كەلگەن سايىن ەرەكشە ءبىر جوعارى سەزىمدە بولامىن. بۇگىنگى استانا ەكونوميكالىق فورۋمى الەمدىك اۋقىمدى شارا رەتىندە وتە جوعارى دارەجەدە ۇيىمداستىرىلعان. اقيقاتىن ايتار بولسام، نۇرسۇلتان نازارباەۆ سياقتى پرەزيدەنتى بار ەل شىنىمەن باقىتتى. نەگە دەيسىز عوي، سەبەبى، نۇرسۇلتان ءابىشۇلى اۋەل باستان ءوزىنىڭ ماڭايىنا بىلىكتى كادرلاردى تاڭداي ءبىلدى. ءبىر ادامنىڭ قولىنان كوپ نارسە كەلمەيدى. ال نازارباەۆ كومانداسى ء«بىر جاعادان باس، ءبىر جەڭگەن قول» شىعارا وتىرىپ، قازاقستاننىڭ ەكونوميكاسىن رەفورمالاۋ ماقساتىندا اسا زور جەتىستىكتەرگە قول جەتكىزدى»، دەيدى ول.

سونداي-اق شەتەلدىك ساراپشى پوستكەڭەستىك ەلدەر ىشىندە قازىر قازاقستان ەكونوميكاسى قارقىندى دامىعان، يندۋستريالىق-يننوۆاتسيالىق باعىتى ايقىن كوشباسشى مەملەكەت بولىپ تابىلاتىنىن اتاپ ءوتتى، دەپ جازادى «ەگەمەن قازاقستان» گازەتى. 

«قازاقستان باسشىلىعىندا جۇمىس ىستەپ جاتقان كوماندا شىن مانىندە ورتالىق ازيا ءتىپتى، تمد كەڭىستىگىندە وزىق بولىپ سانالادى. قازاقستاندا قازىردىڭ وزىندە جۇزەگە اسىرىلعان رەفورمالار ەرتەڭگى كۇنگە ۇلكەن سەنىم تۋدىرادى. بۇل كەشەندى رەفورمالار جۇيەسىن رەسەي ەندى عانا قولعا الىپ جاتىر. قازاقستان پرەزيدەنتىنىڭ جاقىندا جاريالاعان 5 ينستيتۋتسيونالدىق رەفورما ەلدىڭ قانشالىقتى جوعارى دامۋ ساتىسىنا كوتەرىلگەنىن ايقىن كورسەتەدى. پرەزيدەنتتى «ەكسپورتتاي» المايتىنىمىز وكىنىشتى. ايتپەسە، نۇرسۇلتان ءابىشۇلىنداي كوشباسشى رەسەيگە دە اۋاداي قاجەت»، دەيدى ينستيتۋت باسشىسى.

اباي-اقپارات

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616