قازاقستان حالقى اسسامبلەياسىنىڭ 20 جىلدىعىنا وراي تۇسىرىلگەن بۇل انيماتسيالىق ءمۋلتفيلمدى بۇگىن «وڭتۇستىك اقپارات» ءباسپاسوز ورتالىعىندا وبلىستىق ىشكى ساياسات جانە ءدىن ىستەرى باسقارماسىنىڭ باسشىسى ب.قۇرمانعالي، «جەبە» كينوكومپانياسىنىڭ پرەزيدەنتى كەرىمبەك نيازباەۆ جانە وبلىس اكىمى اپپاراتى باسشىسىنىڭ ورىنباسارى - اسسامبلەيا حاتشىلىعىنىڭ مەڭگەرۋشىسى م.قالمۇراتوۆ تانىستىردى.

‒ وتاندىق تۋىندى حالىقارالىق بالالاردى قورعاۋ كۇنىنە وراي جارىققا شىعىپ، جەرگىلىكتى تەلەارنالاردىن كورسەتىلەتىن بولادى. بىرلىك بايراعىن تۋ ەتكەن ەلىمىزدە جاسوسپىرىمدەردى ۇيىمشىلدىققا شاقىراتىن بۇل مۋلتفيلم بالالاردى وتاندى سۇيۋگە، ادامگەرشىلىك پەن باۋىرمالدىلىققا جەتەلەيدى دەدى، ‒ ب.قۇرمانعالي.

انيماتسيالىق فيلمدە قازاقستانداعى ۇلتتار بiرلiگi مەن ىنتىماقتاستىعى كورسەتىلىپ، جاستار اراسىنداعى دوستىق قارىم-قاتىناس، ەلiنە، جەرiنە دەگەن سۇيىسپەنشىلىك بالالاردىڭ سوققان ورتاق «دوستىق ءۇيى» ارقىلى بىلدىرىلەدى.

‒ بالالارعا ارنالعان بۇل مۋلتفيلمدە كەيىپكەر رەتىندە قازاق قىزى ايسۇلۋ مەن ورىس قىزى مارينا، نەمىس بالاسى گەرمان، تۇرىك قىزى ءلايلا، ۋكراين بالاسى ميكولا مەن تاعى باسقا بالالار وينايدى.

انيماتسيالىق ءمۋلتفيلمدى العاش قولعا الىپ تاپسىرىس بەرگەن وسى وڭتۇستىك قازاقستان وبلىسى بولاتىن، ‒ دەدى كەرىمبەك نيازباەۆ.

اتالعان تۋىندىنىڭ ستسەناريىنىڭ اۆتورى جانە قويۋشى رەجيسسەرى ك.نيازباەۆ بولسا، ولەڭگە ءسوزىن جازعان سارسەنكۇل ايتوۆا، كومپوزيتورى دميتري اندرونوۆ، قويۋشى سۋرەتشى ءسابيت سەرىمبەتوۆ.

‒جاسوسپىرىمدەردى يگى قاسيەتتەرگە جەتەلەيتىن ۇزاقتىعى 10 مينۋتتىق بۇل تۋىندا كىشكەنتاي كورەرمەندەردىڭ كوڭىلىنەن شىعادى دەگەن سەنىمدەمىز دەيدى اسسامبلەيا حاتشىلىعىنىڭ مەڭگەرۋشىسى م.قالمۇراتوۆ.

 Abai.kz