2017 جىلدى ەكسپولاتىپ قارسىالماققا قام جاساپ جاتقان قازاقستان الەمدىك كورمەنى وتكىزبەستەن بۇرىن تاعى دا كوررۋپتسياعا شاتىلىپ، شاتقاياقتاۋدا. تاياۋدا ەكسپو-عا قاتىستى ءبىر ادام، اتشۋلى ماقسات ۇسەنوۆتىڭ اكەسى قاجىمۇرات ۇسەنوۆتىڭ قاماۋعا الىنعانى تۋرالى حابارلاعانبىز (http://abai.kz/post/view?id=3697). وسى حاباردان سوڭ-اق، ەكسپو-نىڭ قۇرلىسىنا جاۋاپتىلاردىڭ قۇلقىنى جونىندە اڭگىمە ۇلعايادى-اۋ دەپ ويلاعانبىز. دەگەنشە بولعان جوق، مىنە، «استانا ەكسپو-2017» ۇلتتىق كومپانياسى باسقارماسىنىڭ بۇرىنعى توراعاسى تالعات ەرمەگياەۆ ۇيقاماققا الىنىپ ۇلگەردى.  

سونىمەن، ءسوزدىڭ قىسقاسى، تالعات ەرمەگياەۆ الداعى 2 ايىن ەسىل وزەنىنىڭ جاعاسىنداعى ۇيىندە وتكىزبەك. ءۇيدىڭ كونسەرجى كىشى ەرمەگياەۆتىڭ باسپاناسى ءۇيدىڭ 5-قاباتىن تۇگەلدەي الىپ جاتقانىن ايتىپ جۋرناليستەرگە "جاڭالىق" اشىپ بەردى.

بۇل پودەزدە 6 وتباسى عانا تۇرادى ەكەن. ال، كەلەسى پودەزدە 27 وتباسى ورنالاسقان. كۇدىكتى تاۋلىك بويى كۇزەتتە.

وعان ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگى قىزمەتكەرلەرى تۋعان-تۋىستارى جانە قورعاۋشىلارىنان وزگە بىرەۋمەن تىلدەسۋگە تىيىم سالىعان. بايلانىس قۇرالدارى، تەلەفون مەن ينتەرنەتتى پايدالانۋعا دا رۇقسات جوق.

ەستەرىڭىزگە سالا كەتەيىك، «استانا ەكسپو-2017» ۇلتتىق كومپانياسى باسقارماسىنىڭ بۇرىنعى توراعاسى تالعات ەرمەگياەۆتىڭ ۇيقاماعىنا الۋ تۋرالى سانكتسيانى استانا قالاسى الماتى اۋدانىنىڭ №2 اۋداندىق سوتى بەرىپ وتىر.

تالعات ەرمەگياەۆقا قىلمىستىق كودەكستىڭ 176-بابى بويىنشا ايىپ تاعىلعان.

تالعات - امانگەلدى ەرمەگياەۆتىڭ ۇلى. امانگەلدى ءدىنۇلىن كوپشىلىك ايتىس اقىندارى مەن  قازاق ونەرىنىڭ جاناشىرى ءام  دەمەۋشى مىرزا رەتىندە بىلەدى.

تالاعات ەرمەگياۆكە تاڭىلعان قازىرگى ايىپ بيۋدجەت قارجىسىن قىمقىردى دەگەنگە سايادى. دەرەكتەرگە سەنسەك، قاجىمۇرات ۇسەنوۆ ەرمەگياەۆتىڭ بايلانىسى بار كومپانيالارعا تەندەر ۇتىپ بەرىپ، بيۋدجەت اقشاسىن بىرىگىپ جەگەن. ەرمەگياۆتىڭ قىلمىسى انىقتالسا، 12 جىلعا دەيىن باس بوستاندىعىنان ايرىلۋى مۇمكىن.  

Abai.kz