بۇگىن «نۇر وتان» پارتياسى توراعاسىنىڭ ءبىرىنشى ورىنباسارى مۇحتار قۇل-مۇحاممەد پەن الماتى اكىمى باۋىرجان بايبەك بەلگىلى اكادەميك تورەگەلدى شارمانوۆتىڭ ءسۇت زاۋىتىندا بولدى.

مۇحتار قۇل-مۇحاممەد پەن باۋىرجان بايبەك بۇگىنگى تاڭدا، ءتىپتى، ودان دەنساۋلىققا پايدالى شوكولاد تا شىعاراتىن بيە ءسۇتىن قايتا وڭدەيتىن بىرەگەي ءوندىرىس جەلىسىنىڭ جۇمىسىمەن تانىستى. جالپى اكادەميك شارمانوۆتىڭ زاۋىتىندا ءسۇت ءونىمىنىڭ 30 ءتۇرى شىعارىلادى ەكەن.

بۇل تاعامدار ادام اعزاسىنىڭ جاسارۋىنا جانە ونىڭ ىشىنە قاتەرلى ىسىكتەر دە كىرەتىن ءتۇرلى دەرتپەن كۇرەسۋگە كومەكتەسەدى. بيىلعى جىلى 87 جاسقا تولاتىن تورەگەلدى شارمانوۆتىڭ ۇزاق ءومىر ءسۇرۋىنىڭ قۇپياسى دا وسى بيە ءسۇتىن تۇراقتى قولدانىپ جۇرگەنىندە ەكەنىن ايتا كەتكەن ءلازىم. سوندىقتان دا عالىم قازاقستاندىقتاردى دۇرىس تاماقتانۋعا شاقىرادى.

«نۇر وتان» پارتياسى توراعاسىنىڭ ءبىرىنشى ورىنباسارى بەلگىلى عالىمنىڭ باستاماسىنا قولداۋ ءبىلدىرىپ، بۇگىنگى تاڭدا تاپ وسىنداي تاعامنىڭ بارلىق الەمدە سۇرانىسقا يە ەكەنىنە توقتالدى.

"بۇل شىندىعىندا دا باسەكەگە قابىلەتتى جانە ەكسپورتقا نەگىزدەلگەن ءوندىرىس»، - دەپ اتاپ ءوتتى مۇحتار قۇل-مۇحاممەد.

Abai.kz