استانا. 26 قىرقۇيەك. قازتاگ - ايگۇل تۇلەكباەۆا. كەلەسى اپتادان باستاپ قر ۇكىمەتىنىڭ وتىرىستارى on-line رەجيمدە كورسەتىلەدى، دەپ حابارلايدى پرەمەر-ءمينيستردىڭ ءباسپاسوز قىزمەتى.

«بۇل ۇكىمەتتىڭ وتىرىستارىن ءار ادام كورە الاتىنداي جاسالىپ وتىر»، -دەپ ءتۇسىندىردى ءباسپاسوز قىزمەتىنىڭ قىزمەتكەرى.

ول وتكەن اپتادا ەلەكتروندىق ۇكىمەت ماسەلەلەرى بويىنشا كوشپەلى وتىرىستا پرەمەر-مينيستر كارىم ءماسىموۆ قر بايلانىس جانە اقپارات مينيسترلىگىنە جاڭا تەحنولوگيالاردى قارقىندى ەنگىزىپ، وزدەرىنەن باستاۋ تۋرالى تاپسىرعان بولاتىن.

«ءبىز وسى اپتادا بايلانىس مينيسترلىگىمەن سىناق رەجيمدە ترانسلياتسيانىڭ on-line تەحنولوگياسىن ەنگىزدىك. بۇل ۇكىمەت جۇمىسىنىڭ اشىقتىعىن ارتتىرۋ ءۇشىن قاجەت»، - دەدى ءباسپاسوز قىزمەتىنىڭ قىزمەتكەرى.

جەكسەنبى كۇنى جاڭالىقتى ەنگىزۋگە مۇمكىندىك بەرەتىن اقپاراتتىق جۇيە جۇيەلدى.

ءباسپاسوز قىزمەتىنىڭ حابارلاۋىنشا، دۇيسەنبى كۇنى ۇكىمەتتىڭ وتىرىسى ءباسپاسوز وكىلدەرىنىڭ قاتىسۋىنسىز جاڭا فورماتتا وتەدى.

مينيسترلەر كابينەتىنىڭ وتىرىسىن ينتەرنەت ارقىلى كورگىسى كەلەتىندەر دۇيسەنبى كۇنى تاڭعى ساعات 10-نان باستاپ  www.bnews.kz پورتالىندا جانە «قازاقستان» تەلەارناسىنىڭ سايتىنا كىرۋگە ءتيىس.