وسكەمەن. 27 قىرقۇيەك. قازتاگ – شىعىس قازاقستان وبلىسىنىڭ زايسان قالاسىندا ءتارتىپ ساقشىلارى جەرگىلىكتى بازاردا 2 ساعاتتىڭ ىشىندە ت500 مىڭنان اسا سومانىڭ جالعان كۋپيۋرالارىن وتكىزىپ ۇلگەرگەن قىلمىستىق توپتى ۇستادى، دەپ حابارلايدى شقو ءىىد ءباسپاسوز قىزمەتى.

«جامبىل وبلىسىنىڭ 5 تۋماسى مىنگەن كولىك زايساننان شىعا بەرىستە ۇستالعان. جۇرگىزۋشى مەن جولاۋشىلار كىمگە كەلگەندەرىن جانە قايدا بارا جاتقاندارىن تۇسىندىرە الماعان. اۆتوكولىك سالونىنان جالپى سوماسى 200 مىڭ تەڭگە بولاتىن قولدان جاسالعان 10 مىڭ تەڭگەلىكتەر جانە شامامەن ميلليون تەڭگە مەن $150 تابىلعان»، - دەپ حابارلايدى دەپارتامەنت.

پوليتسيا قىزمەتكەرلەرىنىڭ ايتۋىنشا، ۇستالعان بەس ادامنىڭ ۇشەۋى بۇرىن سوتتالعان، سونىڭ ىشىندە قۇجاتتاردى قولدان جاساعانى ءۇشىن دە سوتتى بولعاندارى بار. قىلمىسكەرلەر زايسان بازارىندا نەبارى ەكى ساعاتتىڭ ىشىندە 35 ساۋداگەرگە ت500 مىڭ سومانىڭ جالعان اقشاسىن وتكىزىپ، اۋىستىرىپ ۇلگەرگەن.

«ادامدار كۋپيۋرالاردىڭ جالعان ەكەنىن تەز انىقتاپ، پوليتسياعا حابارلاعان. بىردەن «پەرەحۆات» جوسپارى جاريالانىپ، قالادان شىعاتىن جولداردىڭ ءبارى باقىلاۋعا الىندى. بۇل شارالار ناتيجە بەردى»، - دەيدى دەپارتامەنتتەگىلەر.

جالعان اقشا جاساۋشىلاردىڭ اتى-جوندەرى انىقتالدى، قر قك 206 بابى بويىنشا قىلمىستىق ءىس قوزعالدى. تەرگەۋ باستالدى.