جۇما, 29 ناۋرىز 2024
اۋىس-ءتۇيىس 8552 0 پىكىر 28 جەلتوقسان, 2016 ساعات 18:16

قازاق تىلىندە سويلەمەيتىن ىدىرىسوۆ قىزمەتىنەن بوسادى

قازاقستاننىڭ سىرتقى ىستەر ءمينيسترى ەرلان ىدىرىسوۆ باسقا قىزمەتكە اۋىسۋىنا بايلانىستى مينيسترلىك قىزمەتىنەن بوساتىلدى. ىدىرىسوۆتى قىزمەتىنەن بوساتۋ تۋرالى جارلىققا ەلباسى نۇرسۇلتان ءابىشۇلى قول قويعان،-دەپ جازىلعان اقوردانىڭ "تۆيتتەردەگى" رەسمي پاراقشاسىندا.

ىدىرىسوۆتىڭ قانداي قىزمەتكە اۋىسقانى تۋرالى رەسمي اقپارات بەرىلگەن جوق.

ونىڭ ورنىنا قايرات ءابدىراحمانوۆ قازاقستان  رەسپۋبليكاسى سىرتقى ىستەر ءمينيسترى بولىپ تاعايىندالدى.  بۇل جارلىققا دا مەملەكەت باسشىسى قول قويعان.


ءابدىراحمانوۆ قايرات قۇدايبەرگەنۇلى تالدىقورعان وبلىسى پانفيلوۆ اۋىلىندا (قازىر — الماتى وبلىسى جاركەنت اۋىلى) دۇنيەگە كەلگەن. قازاق مەملەكەتتىك ۋنيۆەرسيتەتىنىڭ تاريح فاكۋلتەتىن بىتىرگەن (1987).

1987-91 — قازاق پوليتەحنيكالىق ينستيتۋتىنىڭ تاريح ءپانى بويىنشا مۇعالىمى.

1991-93 — قمۋ اسپيرانتى. 1993-97 — قازاقستان ءسىم 3-ءشى، 2-ءشى حاتشىسى، ءبولىم باستىعى، ازيا ەلدەرى باسقارماسى باستىعىنىڭ ورىنباسارى.

1997 — قر ءسىم ازيا ەلدەرى دەپارتامەنتى ديرەكتورىنىڭ ورىنباسارى.

1997-98 — قر ءسىم ازيا، تاياۋ شىعىس جانە افريكا باسقارماسىنىڭ باستىعى، 4-ءشى دەپارتامەنت ديرەكتورىنىڭ ورىنباسارى.

1998-99 — قر ءسىم 3-ءشى دەپارتامەنتى، ەكىجاقتى ىنتىماقتاستىق دەپارتامەنتىنىڭ ديرەكتورى.

1999-2001 — قر سىرتقى ىستەر ۆيتسە-ءمينيسترى.

2001-2003 — ۇلىبريتانياداعى قر ەلشىلىگىنىڭ كەڭەسشى-ۋاكىلى.

ءساۋىر، 2003 — ناۋرىز، 2006 — يزرايلداعى قازاقستان رەسپۋبليكاسىنىڭ توتەنشە جانە وكىلەتتى ەلشىسى.

3 ناۋرىز، 2006 — تامىز 2007 — قر سىرتقى ىستەر ۆيتسە-ءمينيسترى.

تامىز، 2007 — قىركۇيەك، 2008 — اۆسترياداعى قر ەلشىسى — ەقىۇ-داعى قر تۇراقتى وكىلى.

قاڭتار، 2008 — ەقىۇ ەكونوميكالىق-ەكولوگيالىق كوميتەتىنىڭ توراعاسى.

قىركۇيەك-جەلتوقسان، 2008 — ەقىۇ مەن ۆەناداعى باسقا دا حالىقارالىق ۇيىمدار جانىنداعى قر تۇراقتى وكىلى.

جەلتوقسان، 2008 — ناۋرىز، 2011 — ەقىۇ جانىنداعى قازاقستاننىڭ تۇراقتى وكىلى.

ناۋرىز، 2011 — اۆستريا رەسپۋبليكاسىنداعى قازاقستان رەسپۋبليكاسىنىڭ توتەنشە جانە وكىلەتتى ەلشىسى، ۆەناداعى حالىقارالىق ۇيىمدار جانىنداعى قازاقستاننىڭ تۇراقتى وكىلى. 2-ءشى ساناتتى توتەنشە جانە وكىلەتتى ەلشى شەنىنە يە (2001).

نۇرزات توعجان

Abai.kz


0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616