قازاقستان العاش رەت بۇۇ قاۋىپسىزدىك كەڭەسى وتىرىسىنا قاتىستى دەپ حابارلايدى  قر سىرتقى ىستەر مينيسترلىگىنىڭ ءباسپاسوز قىزمەتى.

بۇگىن، ياعني، 3 قاڭتار كۇنى قازاقستان بۇۇ قاۋىپسىزدىك كەڭەسىنىڭ تۇراقتى ەمەس مۇشەسى رەتىندە 2017 جىلعى كەڭەستىڭ العاشقى وتىرىسىنا قاتىستى. وتىرىس بارىسىندا 2017 جىلدىڭ قاڭتار ايىنا ارنالعان قاۋىپسىزدىك كەڭەسىنىڭ جۇمىس باعدارلاماسى بەكىتىلدى. قازاقستاندىق دەلەگاتسيانى قازاقستان رەسپۋبليكاسىنىڭ ۋاقىتشا سەنىمدى وكىلى بارلىباي سادىقوۆ باستاپ باردى. سول كۇنى قاۋىپسىزدىك كەڭەسىنە مۇشە بوليۆيا، ۇلىبريتانيا، ەگيپەت، يتاليا، قازاقستان، قىتاي، رەسەي، سەنەگال، اقش، ۋكراينا، ۋرۋگۆاي، فرانتسيا، شۆەتسيا جانە جاپونيانىڭ بارلىق دەلەگاتسيا جەتەكشىلەرىنىڭ ءداستۇرلى رەسمي كەزدەسۋى بولدى. شارا شۆەتسيا كورولدىگىنىڭ ۋاكىلدىگىندە بۇل ەلدىڭ تۇراقتى وكىلى، 2017 جىلدىڭ قاڭتارىنان قاۋىپسىزدىك كەڭەسىن باسقاراتىن  ولاف سكۋگتىڭ توراعالىعىمەن ءوتتى، دەلىنگەن قر سىرتقى ىستەر مينيسترلىگىنىڭ حابارلاماسىندا.

اباي-اقپارات