بەكجان شەتەلگە كەتتى، بيگەلدىنىڭ ءىسى سوتقا كەتتى
Central Asia Monitor گازەتىنىڭ باس رەداكتورى جانە Radiotochka.kz ينتەرنەت-پورتالىنىڭ قۇرىلتايشىسى، بيلىك وكىلدەرىن بوپسالادى دەپ ايىپتالعان بيگەلدى عابدۋلليننىڭ ءىسى سوتقا جىبەرىلدى دەپ حابارلايدى «قازاقپارات» اگەنتتىگى استانا پروكۋراتۋراسىنا سىلتەمە جاساپ.
قالالىق پروكۋراتۋرانىڭ اقپاراتى بويىنشا، ءىس استاناداعى قىلمىستىق ءىس بويىنشا ارنايى مامانداندىرىلعان اۋدانارالىق سوتقا جىبەرىلگەن.
كوررۋپتسياعا قارسى قىزمەت بيگەلدى عابدۋلليننىڭ ۇستالعانى جونىندە وتكەن جىلدىڭ قاراشا ايىندا مالىمدەگەن. 17 قاراشادا سوت ونى ەكى ايعا قاماۋ تۋرالى شەشىم شىعاردى. تەرگەۋ بولجامى بويىنشا، 62 جاستاعى عابدۋللين ء«وزىنىڭ باسىلىمدارىن مەملەكەتتىك ورگاندارعا اقپاراتتىق شابۋىل رەتىندە پايدالانعان» جانە «سول ارقىلى لاۋازىمدى تۇلعالاردى مەملەكەتتىك تاپسىرىس الۋعا بوپسالاعان». بيگەلدى عابدۋلليننىڭ ادۆوكاتتارى ايىپتاۋلاردى جوققا شىعارادى.
26 جەلتوقساندا Radiotochka.kz سايتىنىڭ باس رەداكتورى، بەلگىلى ورىس ءتىلدى جۋرناليست، تاياۋدا سىرتقى ىستەر ءمينيسترى قىزمەتىنەن بوساعان ەرلان ىدىرىسوۆتىڭ ءىنىسى بەكجان ىدىرىسوۆ قۇقىق قورعاۋ ورگاندارى تاراپىنان وزىنە قىسىم جاسالعان سوڭ، قازاقستاننان ءبىرجولا كەتىپ قالعانىن مالىمدەدى. استانا پروكۋراتۋراسى ىدىرىسوۆقا قىسىم جاسالعانىن جوققا شىعاردى. بيلىكتىڭ مالىدەۋىنشە، ول عابدۋللين ءىسى بويىنشا كۋاگەر رەتىندە تارتىلعان.
Abai.kz
