جۇما, 29 ناۋرىز 2024
كۇبىرتكە 5388 0 پىكىر 6 قاڭتار, 2017 ساعات 23:34

ۇقك-ءنىڭ بۇرىنعى باسشىسى قاماۋعا الىندى

قر ۇقك-نىڭ ەكس-باسشىسى نارتاي دۇتباەۆ ەكى ايعا قاماۋعا الىندى، - دەپ حابارلايدى Tengrinews.kz سايتىنىڭ ءتىلشىسى.

"استانانىڭ ەسىل اۋداندىق №2 سوتىنىڭ 2016 جىلدىڭ 28 جەلتوقسانىنداعى قاۋلىسىمەن دۇتباەۆ نارتاي نۇرتايۇلىنا، حاسەن نۇرلان بولاتۇلىنا، نۇرتاەۆ ەرلان ءسۇيىمبايۇلىنا قاتىستى ەكى ايعا قاماۋعا الۋ تۇرىندەگى بۇلتارتپاۋ شاراسى تاڭدالدى", - دەلىنگەن رەداكتسيانىڭ رەسمي ساۋالىنا استانا سوتىنىڭ بەرگەن جاۋابىندا.

ونىڭ ۇستالعانى جايلى 2016 جىلدىڭ 28 جەلتوقسانىندا بەلگىلى بولعان. "جۇرگىزىلگەن جەدەل ىزدەستىرۋ ءىس-شارالارى بارىسىندا 2016 جىلدىڭ 26 جەلتوقسانىندا قازاقستان رەسپۋبليكاسىنىڭ قىلمىستىق كودەكسى 185-بابىنىڭ 3-بولىمىندە ("مەملەكەتتىك قۇپيالاردى جاريا ەتۋ") جانە 362-بابىنىڭ 3-بولىمىندە ("بيلىكتى نەمەسە لاۋازىمدىق وكىلەتتىكتەردى اسىرا پايدالانۋ") كوزدەلگەن قىلمىستاردى جاساۋعا كۇدىكتىلىگى بويىنشا دۇتباەۆ نارتاي نۇرتايۇلى، حاسەن نۇرلان بولاتۇلى جانە نۇرتاەۆ ەرلان ءسۇيىمبايۇلى ۇستالدى", - دەلىنگەن ەدى قر ۇقك حابارلاماسىندا.

سونىمەن قاتار، وسى اتالعان تۇلعالاردىڭ قازاقستان رەسپۋبليكاسى قىلمىستىق-پروتسەستىك كودەكسىنىڭ 128-بابىنىڭ تارتىبىندە ۇقك ۋاقىتشا ۇستاۋ يزولياتورىنا قامالعانى حابارلاندى. كۇدىكتىلەر مەن ولاردىڭ تۋىستارىنىڭ تۇرعىلىقتى مەكەن-جايى بويىنشا ءتىنتۋ جۇمىستارى جۇرگىزىلدى، زاتتاي ايعاقتار تاركىلەندى. 

ايتا كەتەيىك، نارتاي دۇتباەۆ 2001-2006 جىلدار ارالىعىندا ۇقك توراعاسى قىزمەتىن اتقارعان بولاتىن.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1583
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2283
عيبىرات

قايسار رۋحتى عازيز جان

مۇحتار قۇل-مۇحاممەد 3620