ۋنيۆەرسيادا ويىندارى كەزىندە الماتىداعى وقۋشىلار ون كۇن دەمالادى
الماتىدا وتەتىن 28-ءىنشى قىسقى ۋنيۆەرسيادا ويىندارىنا بايلانىستى، قالاداعى 218 مىڭ وقۋشى كەزەكتەن تىس دەمالاتىن بولدى، دەپ حابارلايدى قازاقپارات ءبىلىم جانە عىلىم مينيسترلىگىنىڭ ءباسپاسوز قىزمەتىنە سىلتەمە جاساي وتىرىپ.
«الماتىدا ساناۋلى كۇندەردەن كەيىن ۋنيۆەريسادا ويىندارى باستالادى. الماتى قالاسىندا بۇل جارىسقا جان-جاقتى دايىندىق تياناقتالىپ قالدى. دايىندىق ءبىلىم بەرۋ سالاسىن دا سىرت اينالىپ وتپەدى. اتاپ ايتساق، ۋنيۆەرسيادا ويىندارىنا بايلانىستى الماتى قالاسىنىڭ وقۋشىلارى ءۇشىن 30 قاڭتار مەن 8 اقپان ارالىعىندا قوسىمشا دەمالىس بەرىلەدى»، - دەپ حابارلادى ءبىلىم جانە عىلىم مينيسترلىگىنىڭ ءباسپاسوز قىزمەتى.
بجعم-ءنىڭ ءباسپاسوز قىزمەتى حالىقارالىق جارىستار كەزىندە وسىنداي شارالار وزگە ەلدەردە دە قولعا الىنادى دەيدى. دەمالىسقا شىققان وقۋشىلار دۇنيەجۇزىلىك ستۋدەنتتەر جارىسىن وزدەرى بارىپ تاماشالاي الادى.
الماتى قالالىق ءبىلىم باسقارماسىنىڭ حابارلاۋىنشا، بۇل قوسىمشا كانيكۋل ناۋرىز مەيرامى كۇندەرىنە اسەر ەتپەيدى. الماتىداعى وقۋشىلار قازاقستاننىڭ باسقا وقۋشىلارىمەن بىردەي 24 ناۋرىز بەن 1 ءساۋىر ارالىعىندا وقۋىن جالعاستىرىپ، 1 ساۋىردە ولارعا توقساندىق باعالار قويىلادى. 4 ساۋىردە 4-ءشى توقسان باستالادى.
اباي-اقپارات
