سەنبى, 2 شىلدە 2022
4079 0 پىكىر 12 قاڭتار, 2017 ساعات 11:28

ءبىز – قۇلمىز. قۇلدا ەرىك بولمايدى...

ءبىز قازىرگى تاڭدا كىم-كىمنەن دە جەڭىلۋدەمىز. دۇشپان، جاۋلار ءبىزدى كەز-كەلگەن تۇستان ادۋىندى سوققىلارىن بەرىپ ەركىنشە جاۋلاپ الىپ جاتىر. تەك جاۋلاپ قانا قويماي، وزدەرىنىڭ «بىزگە قۇل» دەگەن ءمورىن باسىپ جىبەرىپ جاتىر. ءبىز ابدەن قول كوتەردىك، ءبىزدى ەشكىم مەنسىنبەيدى، كوزگە دە ىلمەيدى، ءبىزدى ەشكىم قاجەت تە ەتپەيدى. سەنىڭ اشىق ويىڭ، پىكىرىڭ، قارسىلىعىڭ، جان ايقايىڭ، كورسەتكەن مىنەزىڭ، بوقتىق سوزدەرىڭ، ىزاڭ، وزىڭشە قورقىتۋىڭ ولارعا تىپتەن اسەر ەتپەيدى.

كەرىسىنشە، ولار حايۋانباقتاعى توردا قاماۋدا وتىرعان ىزالى مايمىلداردى تاماشالاپ كۇلگەندەي اسەر الادى. سەبەبى، ولاردىڭ كوزقاراسىندا ءبىز قۇلمىز. ال قۇلداردا ء«وز ەركى، ءوز اشىق ويى، ءۇمىتى، بولاشاعى، جوسپارى، كوبەيۋى، كوتەرىلۋى، قارسىلاسۋى، جىگەر، قايرات، نامىس، اقىل-وي، ايلا، بۇل تىعىرىقتان ايتەۋىر ءبىر كۇنى شىعارمىن» دەگەنى سياقتى قيالي ويلارى مۇلدەم بولمايدى. ونىڭ قوجايىنى – ونىڭ قۇدايى. كەلىس، كەلىسپە، قارا حالىق، ءبىز قازىر وسى دارەجەدەمىز. بۇنىڭ سەبەبى نە؟ سەبەبى، قاراپايىم عانا نارسە!

ءبىزدىڭ اتا-بابامىز تولارساقتان ساز كەشىپ، ەڭكۋ-ەڭكۋ جەر شالىپ، ەگەۋلى نايزا قولعا الىپ، قازاق جازيراسىنىڭ و شەتى مەن بۇ شەتىن شاڭ قاپتىرىپ، ءومىر بويى كۇنى ءتۇن اتتان تۇسپەي ءجۇرىپ، كەيىنگى ۇرپاق ءۇشىن، ەلى مەن جەرىن قورعاپ جاۋدى زورعا جەڭگەن. ال كەيىنگى ۇرپاق ءبىز، ارقايسىمىز قورعانىش ءبىر ۇيدە بۇعىپ وتىرىپ الىپ اتتان ەمەس، ينتەرنەتتەن تۇسپەيمىز. ال ينتەرنەتتە وتىرىپ الىپ اتوي سالىپ، ءيتىن ايتاقتاپ، «اتتان» دەپ ۇرانداعان جەكە باتىرلارعا جەڭىس كەلە مە؟ ينتەرنەتتەن تۇسپەيتىن، پىكىر سوعىستان تايسالمايتىن باتىرلاردىڭ الاڭعا شىعۋى ەكىتالاي دەپ بىلەمىن. قىسقاسى، ءسوز بار دا ءىس جوق. ال ناتيجەگە جەتكىزەتىن ءىس پەن امال.

قارىن اشسا تويعىزۋعا، قاتىن ۇرىسسا قويعىزۋعا، بالا ءسۇيۋ ءۇشىن قاتىناسقا تۇسەمىز. ياعني، ءىس-ارەكتسىز ەشتەڭەنىڭ بولمايتىنىنا، وزدىگىنەن كەلمەيتىنىنە اشىق كوزىمىز جەتىپ تۇر. ال بىراق، ەل ءۇشىن، نامىس ءۇشىن، ۇرپاق ءۇشىن كۇرەسەتىن ىسكە تەك قانا ءسۇيىر ءتىلدى عانا قوسۋدامىز. بارلىق ەلدىڭ نامىستىلارى بىرىگىپ باس قوسىڭدار، ءبىر-بىرىڭمەن ارالاسىڭدار! قاي ەلدەن ەلدىڭ سيقىن بۇزۋ ورىن السا، سول جەردى سول جەردىڭ نامىستىلارى ورنىنا قويسىن! كورەيىن سوسىن.

تۇرار شاپقارا 

Abai.kz

0 پىكىر

ۇزدىك ماتەريالدار

اقمىلتىق

«قيالشىلدار كلۋبى»

ءامىرجان قوسان 967
انىق-قانىعى

كىمنىڭ كىم ەكەنىن بىلە ءجۇرسىن دەپ...

اۋىت مۇقيبەك 813